ମୁମ୍ବାଇ: ବୋର୍ଡ ଅଫ୍ କଣ୍ଟ୍ରୋଲ୍ ଫର୍ କ୍ରିକେଟ ଇନ୍ ଇଣ୍ଡିଆ (ବିସିସିଆଇ) ଆଗାମୀ ମଙ୍ଗଳବାର ଦିନ ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ଫ୍ରାଞ୍ଚାଇଜ୍ ସହିତ ଆଇପିଏଲ୍ 2020ର ଭବିଷ୍ୟତ ବିଷୟରେ ଆଲୋଚନା କରିବ । ବିସିସିଆଇ ସୂତ୍ରରୁ ପ୍ରକାଶ ଯେ, ଆଇପିଏଲ୍ 2020ର ପ୍ରକ୍ରିୟା ଏବଂ ପରବର୍ତ୍ତୀ କାର୍ଯ୍ୟସୂଚୀ ବିଷୟରେ ଆଲୋଚନା କରିବାକୁ ବିସିସିଆଇ ଏବଂ ଆଇପିଏଲ୍ ଫ୍ରାଞ୍ଚାଇଜ୍ ଆସନ୍ତା ମଙ୍ଗଳବାର ଦିନ ଏକ ବୈଠକ ଆୟୋଜିତ କରିବେ ।
ମାର୍ଚ୍ଚ 13ରେ, କୋରୋନା ଭାଇରସ କାରଣରୁ ସତର୍କତାମୂଳକ ପଦକ୍ଷେପ ଭାବରେ ବିସିସିଆଇ ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍)କୁ ଏପ୍ରିଲ୍ 15 ପର୍ଯ୍ୟନ୍ତ ସ୍ଥଗିତ ରଖିବାକୁ ନିଷ୍ପତ୍ତି ନେଇଛି । ସେହିପରି ଦେଶରେ କୋରୋନା ଭାଇରସ ଚିନ୍ତା ବଢୁଥିବାରୁ ବିସିସିଆଇ ସେମାନଙ୍କ କର୍ମଚାରୀମାନଙ୍କୁ ଘରୁ କାମ କରିବାକୁ କହିଛି ।
‘‘ବିସିସିଆଇ କାର୍ଯ୍ୟାଳୟ ବନ୍ଦ ହୋଇଯାଇଛି ତେଣୁ ସେଠାରେ କୌଣସି ବୈଠକ ଅନୁଷ୍ଠିତ ହୋଇପାରିବ ନାହିଁ । ଅନ୍ୟପଟେ ହୋଟେଲରେ କୌଣସି ବୈଠକ ଅନୁଷ୍ଠିତ ମଧ୍ୟ ହୋଇପାରିବ ନାହିଁ । ତେଣୁ ସେମାନେ କନଫରେନ୍ସ କଲ୍ରେ ବୈଠକ କରିବେ’’ ବୋଲି ସୂତ୍ରରୁ ପ୍ରକାଶ ।
