ଦୁବାଇ: ଭାରତୀୟ କ୍ରିକେଟ ନିୟନ୍ତ୍ରଣ ବୋର୍ଡ (ବିସିସିଆଇ) 3ଟି ଜାତୀୟ ଚୟନକର୍ତ୍ତା ପଦବୀ ପାଇଁ ଆବେଦନ ଆହ୍ବାନ କରିଛି । ସରନଦୀପ ସିଂହ, ଦେବଙ୍ଗ ଗାନ୍ଧୀ ଓ ଜତିନ ପରାଞ୍ଜପେଙ୍କ କାର୍ଯ୍ୟକାଳ ଶେଷ ହେବା ପରେ ଖାଲି ପଡ଼ିଥିବା ପଦବୀ ପୂରଣ ପାଇଁ ଆବେଦନ ଆହ୍ବାନ କରାଯାଇଛି । ସୁନୀଲ ଜୋଶୀଙ୍କ ନେତୃତ୍ବରେ ନୂତନ ଚୟନକର୍ତ୍ତା କାର୍ଯ୍ୟ କରିବେ । ଅନ୍ୟ ଜଣେ ଚୟନକର୍ତ୍ତା ହେଉଛନ୍ତି ହରୱିନ୍ଦର ସିଂହ ।
ଜୋଶୀ ଓ ହରୱିନ୍ଦର ମଦନ ଲାଲଙ୍କ ନେତୃତ୍ବରେ ଥିବା କ୍ରିକେଟ ଆଡଭାଇଜରୀ କମିଟି ଦ୍ବାରା ନିଯୁକ୍ତ ହୋଇଥିଲେ । ମାର୍ଚ୍ଚ ମାସରେ ଉଭୟ ଏମଏସକେ ପ୍ରସାଦ ଓ ଗଗନ ଖୋଡାଙ୍କ ସ୍ଥାନରେ ପ୍ୟାନେଲରେ ନିଯୁକ୍ତି ପାଇଛନ୍ତି ।
ଚୟନକର୍ତ୍ତା ପଦ ପାଇଁ ଆବେଦନ କରିବାକୁ ହେଲେ ଆବଦନକାରୀ ଅନ୍ତନଃ 7ଟି ଟେଷ୍ଟ ଅବା 30ଟି ଫାଷ୍ଟ କ୍ଲାସ ମ୍ୟାଚ ଖେଳିଥିବା ଦରକାର କିମ୍ବା 10ଟି ଦିନିକିଆ ଓ 20ଟି ଫାଷ୍ଟ କ୍ଲାସ କ୍ରିକେଟ ଖେଳିଥିଲେ ମଧ୍ୟ ଆବେଦନ କରି ପାରିବେ । 5 ବର୍ଷ ପୂର୍ବରୁ ଆବେଦନକାରୀ ଖେଳରୁ ଅବସର ନେଇଥିବା ଆବଶ୍ୟକ । ଆବଦନ କରିବା ପାଇଁ ବୟସ ସୀମା 60 ବର୍ଷ ରହିଛି ।
ଆବେଦନ ଦାଖଲ କରିବାର ଶେଷ ତାରିଖ ନଭେମ୍ବର 15 ତାରିଖ ରହିଛି ।
କାର୍ଯ୍ୟକାଳ ଶେଷ ହେବା ପୂର୍ବରୁ ସରନଦୀପ, ଦେବଙ୍ଗ ଓ ଜତିନ ଅଷ୍ଟ୍ରେଲିଆ ଗସ୍ତ କରିବାକୁ ଥିବା ଭାରତୀୟ ଟିମର ଚୟନ କରିଛନ୍ତି ।
