ମୁମ୍ବାଇ: ଭାରତୀୟ ମହିଳା ଟିମର ମୁଖ୍ୟ କୋଚ ପଦ ପାଇଁ ନିଯୁକ୍ତି ଆବେଦନ ଗ୍ରହଣ କରୁଛି ବିସିସିଆଇ । କୋଚ ପଦର ସମୟ ଅବଧି ଦୁଇ ବର୍ଷ ରହିଛି । କୋଚ ପଦ ପାଇଁ ଆଗ୍ରହୀ କୋଚ ଆବେଦନ କରିପାରିବେ ।
ବିସିସିଆଇ ପକ୍ଷରୁ ଜାରି ବିଜ୍ଞାପନ ଅନୁଯାୟୀ, କୋଚ ପଦ ପାଇଁ ଆବେଦନ କରିବାକୁ ଚାହୁଁଥିବା ବ୍ୟକ୍ତି ନିଶ୍ଚିନ୍ତ ଭାରତକୁ ପ୍ରତିନିଧିତ୍ବ କରିଥିବେ କିମ୍ବା ଅନ୍ତର୍ଜାତୀୟ ସ୍ତରରେ ଅନ୍ୟ ଦେଶପାଇଁ ଖେଳିଥିବେ । NCA 'C' ସ୍ତରୀୟ ମାନ୍ୟତାପ୍ରାପ୍ତ କୋଚ ହୋଇଥିବେ କିମ୍ବା ଅତିକମ୍ରେ 50ଟି ପ୍ରଥମ ଶ୍ରେମୀ ମ୍ୟାଚ ଖେଳିଥିବା ଖେଳାଳି ସହ ପ୍ରତିଷ୍ଠିତ ଅନୁଷ୍ଠାନରୁ କୋଚ ମାନ୍ୟତା ଲାଭ କରିଥିବେ ।
କୌଣସି ଅନ୍ତର୍ଜାତୀୟ ଟିମରେ ଗୋଟିଏ ବର୍ଷ କିମ୍ବା ଟି20 ଫ୍ରାଞ୍ଚାଇଜକୁ ଅତିକମ୍ରେ ଦୁଇଟି ସିଜିନରେ କୋଚ ରହିଥିବା ବ୍ୟକ୍ତି ମଧ୍ୟ ଆବେଦନ କରିପାରିବେ । ଏପ୍ରିଲ 26, 2021 ଆବେଦନ କରିବାର ଶେଷ ତାରିଖ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
