କଟକ: ହାତରେ ମାତ୍ର 3 ଦିନ । ବାରବାଟୀରେ ମହାଲଢେଇ । ପୋଲାର୍ଡ ବାହିନୀ ସହ ମୁଁହାମୁହିଁ ହେବ ଭାରତ । ଷ୍ଟାଡିଅମ ବି ପ୍ରସ୍ତୁତ । ବିରାଟ ବିରାଟ ସ୍ବରରେ କମ୍ପିବ ବାରବାଟୀ । କାରଣ ଦୀର୍ଘ ଦିନ ପରେ ବାରବାଟୀକୁ ଫେରିଛି ଅନ୍ତର୍ଜାତୀୟ ମ୍ୟାଚ୍ । ତେବେ ଏହି ମ୍ୟାଚ ପାଇଁ ଗୁରୁବାର ସକାଳ 9ଟାରୁ କାଉଣ୍ଟରରେ ବିକ୍ରି ହେବ ଟିକେଟ୍ । ଏନେଇ କ୍ରୀଡ଼ାପ୍ରେମୀଙ୍କ ମଧ୍ୟରେ ଖେଳିଯାଇଛି ଖୁସିର ଲହରୀ ।
ଯାହାକୁ କିଣିବା ପାଇଁ କାଉଣ୍ଟରରେ ଲାଗିବ ଫ୍ୟାନ୍ସଙ୍କ ଲମ୍ବା ଲାଇନ । ତେବେ ଚଳିତବର୍ଷ କାଉଣ୍ଟର ସଂଖ୍ୟା ବୃଦ୍ଧି କରାଯାଇଥିବାରୁ କ୍ରୀଡାପ୍ରେମୀ ମାନଙ୍କୁ ଟିକେଟ କିଣିବାରେ କୌଣସି ଅସୁବିଧା ହେବନି ବୋଲି ଆଶା କରାଯାଉଛି । ଏହାଛଡା ନିଜର ପସନ୍ଦଦାର କ୍ରିକେଟରକୁ ଦେଖିବା ପାଇଁ କିଏ ବା ଚାନ୍ସ ମିସ୍ କରିବ ବୋଲି କହିଛନ୍ତ ଫ୍ୟାନ୍ସ ।
ଅନ୍ୟପଟେ କାଉଣ୍ଟର ଟିକେଟ ବିକ୍ରି ପାଇଁ କମିଶନରେଟ ପୋଲିସ ପାଇଁ ହୋଇଛି ବଡ଼ ଚ୍ୟାଲେଞ୍ଜ । କାରଣ ହଜାର ହଜାର ଦର୍ଶକ ଓ ଫ୍ୟାନ୍ସଙ୍କୁ ଟିକେଟ କିଣିବା ପାଇଁ ଆସିବେ । ସେମାନଙ୍କ ସୁରକ୍ଷା ଦୃଷ୍ଟିରୁ ପ୍ରତି କାଉଣ୍ଟର ପୋଲିସ ଅଧିଅକାରୀ ମୁତୟନ ରହିବେ । ତା ଛଡା ଟିକେଟ କଳାବଜାରୀ ଉପରେ କଡା ନଜର ରଖିବ ପୋଲିସ । କାରଣ ଗତ ମ୍ୟାଚରେ ମଧ୍ୟ ଟିକେଟ ବ୍ଲାକରେ ବିକ୍ରି ହେବା ଦୃଶ୍ୟ ସମ୍ନାକୁ ଆସିଥିଲା । ଟିକେଟ ବିକ୍ରି ସମୟରେ କାଉଣ୍ଟର ପାଖରେ 13 ପ୍ଲାଟୁନ ଫୋର୍ସ ମୁତୟନ କରାଯିବ । ଯାହାଦ୍ବାରା ଦର୍ଶକଙ୍କ ସୁରକ୍ଷା ଓ ଟିକେଟ ବ୍ଲାକ ରୋକା ଯାଇପାରିବ ବୋଲି କହିଛନ୍ତି କଟକ ଡିସିପି ଅଖିଳେଶ୍ବର ସିଂ ।
କଟକରୁ ପ୍ରଭୁ କଲ୍ୟାଣ ପାଲ୍, ଇଟିଭି ଭାରତ
