ରାୱଲପିଣ୍ଡି: ବାବର ଆଜମଙ୍କ 125 ରନର ଶତକୀୟ ଇଂନିସ ପାକିସ୍ତାନକୁ ବିଜୟୀ କରାଇପାରିନାହିଁ । ତୃତୀୟ ଦିନିକିଆରେ ସୁପର ଓଭରରେ ପାକିସ୍ତାନକୁ ପରାସ୍ତ କରିଛି ଜିମ୍ବାୱେ । ତେବେ 3ଟିକିଆ ଦିନିକିଆ ସିରିଜକୁ ପାକିସ୍ତାନ 2-1ରେ ଜିତିନେଇଛି ।
ପ୍ରଥମେ ବ୍ୟାଟିଂ କରି ଜିୱାମ୍ବେ 278 ରନ କରିଥିଲା । ଫଳରେ ପାକିସ୍ତାନ ସାମ୍ନାରେ 279ର ବିଜୟ ଲକ୍ଷ୍ୟ ରହିଥିଲା । ତେବେ ପ୍ରଥମ 3ଟି ୱିକେଟ ହରାଇ 20 ରନ ମଧ୍ୟରେ ହରାଇ ସଙ୍କଟରେ ପଡିଥିଲା ପାକିସ୍ତାନ । ଇମାମ ଉଲ ହକ(4), ଫକର ଜମନ(2), ଓ ହାଇଦର ଅଲ୍ଲୀ (13) ରନରେ ଆଉଟ ହୋଇଥିଲେ ।
ତେବେ କ୍ୟାପଟେନ ବାବାର ଆଜମଙ୍କ ସହ ମହମ୍ମଦ ରିଜୱାନ ସହ ମିଶି 31 ରନର ପାର୍ଟନରସିପ କରିଥିଲେ । ତେବେ ରିଜୱାନ ଆଉଟ ହେବା ପରେ ବାବାର ବ୍ୟାଟିଂ ଜାରି ରଖିବା ସହ ଶତକ ପୂରଣ କରିଥିଲେ । ତେବେ ସମାନ 278 ରନରେ ଅଟକିଯାଇଥିଲା ପାକିସ୍ତାନ ।
ଫଳରେ ସୁପର ଓଭରରେ ମ୍ୟାଚର ନିର୍ଣ୍ଣୟ ହୋଇଥିଲା ।
ପାକିସ୍ତାନ ପ୍ରଥମେ ବ୍ୟାଟିଂ କରି ସୁପର ଓଭରରେ ମାତ୍ର ଦୁଇ ରନ ସଂଗ୍ରହ କରିଥିଲା । ପରେ 2ଟି ବଲରେ 3ରନର ବିଜୟ ଲକ୍ଷ୍ୟକୁ ହାସଲ କରି ଜିମ୍ବାୱେ ବିଜୟୀ ହୋଇଥିଲା ।
ବ୍ୟୁରା ରିପୋର୍ଟ, ଇଟିଭି ଭାରତ
