କାନ୍ଧରେ ଅପରେସନ କରାଇଲେ ଅଷ୍ଟ୍ରେଲିଆ ବୋଲର ରିଚାର୍ଡସନ

ଅଷ୍ଟ୍ରେଲିଆ ସ୍ପିଡଷ୍ଟାର ଜୋଏ ରିଚାର୍ଡସନ କାନ୍ଧରେ ସର୍ଜରୀ କରାଇଛନ୍ତି । ଗତବର୍ଷ ଏକ ମ୍ୟାଚରେ କାନ୍ଧରେ ଆଘାତପ୍ରାପ୍ତ ହୋଇଥଲେ ରିଚାର୍ଡସନ ।

ମେଲବୋର୍ଣ୍ଣ: ଅଷ୍ଟ୍ରେଲିଆ ସ୍ପିଡଷ୍ଟାର ଜୋଏ ରିଚାର୍ଡସନ କାନ୍ଧରେ ସର୍ଜରୀ କରାଇଛନ୍ତି । ଗତବର୍ଷ ଏକ ମ୍ୟାଚରେ କାନ୍ଧରେ ଆଘାତପ୍ରାପ୍ତ ହୋଇଥଲେ ରିଚାର୍ଡସନ । ଡାହାଣ ପାଖ କାନ୍ଧରେ ଅପରେସନ ହୋଇଥିବା ଜଣାପଡିଛି ।

ଗତବର୍ଷ ମାର୍ଚ୍ଚ ମାସରେ ପାକିସ୍ତାନ ବିପକ୍ଷ ଦିନିକିଆ ସିରିଜର 2ୟ ମ୍ୟାଚରେ ଆହତ ହୋଇଥିଲେ ରିଚାର୍ଡସନ । ଫଳରେ ବିଶ୍ବକପ ଓ ଆସେସ ସିରିଜରୁ ବାଦ ପଡିଥିଲେ 23 ବର୍ଷିୟ ଏହି ଷ୍ଟାର ବୋଲର ।

କୋରୋନା ଭାଇରସ ଯୋଗୁଁ ସମସ୍ତ ପ୍ରକାର କ୍ରିକେଟ ବନ୍ଦ ରହିଛି । ଏହି ସମୟରେ ଅପରେସନ ସହ କ୍ରିକେଟ ଆରମ୍ଭ ବେଳକୁ ସୁସ୍ଥ ହେବା ପାଇଁ ସେ ଲକ୍ଷ୍ୟ ରଖିଛନ୍ତି ।