ଖୋର୍ଦ୍ଧା: ଉଦ୍ଯାପିତ ହେଲା ଅନଙ୍ଗ ନରେନ୍ଦ୍ର ପ୍ରିମିୟର ଲିଗ କ୍ରିକେଟ ଟୁର୍ଣ୍ଣାମେଣ୍ଟ । ବୋଲଗଡ଼ ବ୍ଲକ କନ୍ତାଇଲୋ ଖେଳ ପଡିଆରେ ୭ଦିନ ଧରି ମହାବୀର କ୍ରିକେଟ କ୍ଳବ ଆନୁକୂଲ୍ୟରେ ଏହି ଟୁର୍ଣ୍ଣାମେଣ୍ଟ ଖେଳାଯାଉଥିଲା ।
ଫାଇନାଲ ମ୍ୟାଚରେ ସାନପଦର କ୍ରିକେଟ ଟିମ ୬ ୱିକେଟରେ ବାରବାଟୀ କ୍ରିକେଟ ଟିମକୁ ହରାଇ ଚମ୍ପିଆନ ହୋଇଛି । ପ୍ରଥମେ ବାରବାଟୀ ଟିମ ନିର୍ଦ୍ଧାରିତ ୨୦ ଓଭରରେ ୭ୱିକେଟ ବିନିମୟରେ ୧୨୮ରନ ସଂଗ୍ରହ କରିଥିଲା । ଜବାବରେ ସାନପଦର କ୍ରିକେଟ ଟିମ ୧୮.୧ ଓଭରରେ ୪ୱିକେଟ ହରାଇ ୧୧୯ରନ ସଂଗ୍ରହ କରି ବିଜୟୀ ହୋଇଥିଲା ।
ମୁଖ୍ୟ ଅତିଥି ଭାବେ ବିଜେପିର ପୂର୍ବତନ ପାଞ୍ଚଗଡ଼ ମଣ୍ଡଳ ସଭାପତି ସୁବାସ ଚନ୍ଦ୍ର ମିଶ୍ର ଓ ସମ୍ମାନିତ ଅତିଥି ଭାବେ ଭାରତୀୟ ମଜଦୁର ସଙ୍ଘର ଖୋର୍ଦ୍ଧା ଜିଲ୍ଲା ସହ-ସମ୍ପାଦକ ଅକ୍ଷୟ କୁମାର ରାଉତରାୟ ଯୋଗଦେଇ ବିଜେତା ଏବଂ ଉପବିଜେତା ଉଭୟ ଟିମକୁ ଟ୍ରଫି ପ୍ରଦାନ ସହିତ ପୁରସ୍କୃତ କରିଥିଲେ । ଚନ୍ଦନ ସାହୁ, ଅର୍ଜୁନ ପ୍ରଧାନ ଓ ସାଗର ନାୟକ ଖେଳ ପରିଚାଳନା କରିଥିଲେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
