ଢାକା: ଆବୁଧାବି ଟି-10 ଲିଗରେ ନୂଆ ଦାୟିତ୍ବରେ ନଜର ଆସିବେ ପୂର୍ବତନ ଦକ୍ଷିଣ ଆଫ୍ରିକା ଅଲରାଉଣ୍ଡର ଲେନ୍ସ କ୍ଳସନର । ବାଂଲା ଟାଇଗର ଟିମର ନିର୍ଦ୍ଦେଶକ ନିଯୁକ୍ତ ହୋଇଛନ୍ତି କ୍ଳସନର । ନିଯୁକ୍ତି ନେଇ ବାଙ୍ଗଲା ଟାଇଗର ଚେୟାରମ୍ୟାନ ମହମ୍ମଦ ୟାସିନ ସୂଚନା ଦେଇଛନ୍ତି ।
48 ବର୍ଷିୟ କ୍ଳସନର ପୂର୍ବରୁ ଆଫଗାନିସ୍ତାନ ଟିମର ମୁଖ୍ୟ କୋଚ ଓ ଜିମ୍ବାୱେର ବ୍ୟାଟିଂ କୋଚ ଭାବେ କାର୍ଯ୍ୟକରିଛନ୍ତି । କ୍ଳସନର ଦକ୍ଷିଣ ଆଫ୍ରିକା ପକ୍ଷରୁ 49ଟି ଟେଷ୍ଟରୁ 1,906 ରନ ସଂଗ୍ରହ କରିଛନ୍ତି । ଦିନିକିଆରେ 171 ମ୍ୟାଚରୁ 3576 ରନ ସହ 192 ୱିକେଟ ହାସଲ କରିଛନ୍ତି ।
ଚଳିତ ବର୍ଷ ଆବୁଧାବି ଟି-10 ଲିଗ ସୈଖ ଆବୁ ଜାୟଦ ଷ୍ଟାଡିୟମରେ ନଭେମ୍ବର 19ରୁ 26 ପର୍ଯ୍ୟନ୍ତ ଖେଳାଯିବା ନେଇ ସୂଚୀ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
