ମାଞ୍ଚେଷ୍ଟର: 4ର୍ଥ ଆସେସ ଟେଷ୍ଟରେ ଇଂଲଣ୍ଡ ପ୍ରଥମ ଇଂନିସରେ 301 ରନରେ ଅଲଆଉଟ ହୋଇଯାଇଛି । ପୂର୍ବରୁ ଅଷ୍ଟ୍ରେଲିଆ 497-8ରେ ପ୍ରଥମ ଇଂନିସ ଘୋଷଣା କରିଥିଲା । ଫଳରେ ଅଷ୍ଟ୍ରେଲିଆ 196 ରନର ପ୍ରଥମ ଇଂନିସ ଅଗ୍ରଣୀ ଲାଭ କରିଛି ।
ଇଂଲଣ୍ଡ ପକ୍ଷରୁ ଓପନର ରରି ବର୍ଣ୍ଣସ ସର୍ବାଧିକ 81 ରନ କରିଛନ୍ତି । କ୍ୟାପଟେନ ରୁଟ 71 ଓ ଷ୍ଟୋକ୍ସ 26 ରନର ପାଳି ଖେଳିଛନ୍ତି । ଶେଷ ୱିକେଟ ଭାବେ ବଟଲର 41 ରନ କରି ଆଉଟ ହୋଇଥିଲେ । ଅଷ୍ଟ୍ରେଲିଆ ପକ୍ଷରୁ ଜସ ହେଜଲଉଡ ସର୍ବାଧିକ 4ଟି ୱିକେଟ ଅକ୍ତିଆର କରିଛନ୍ତି । ପାଟ କମିନ୍ସ ଓ ମିଚେଲ ଷ୍ଟାର୍କ 3ଟି ଲେଖାଏଁ ୱିକେଟ ହାସଲ କରିଛନ୍ତି ।
2ୟ ଇଂନିସର ବ୍ୟାଟିଂ ଅଷ୍ଟ୍ରେଲିଆ ଜାରି ରଖିଛି । ମାତ୍ର 24 ରନରେ 3ଟି ୱିକେଟ ହରାଇ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଛି ।
