ପର୍ଥ: ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଟେଷ୍ଟରେ 296 ରନର ବଡ ବ୍ୟବଧାନରେ ବିଜୟୀ ହୋଇଛି ଅଷ୍ଟ୍ରେଲିଆ । ନ୍ୟୁଜିଲାଣ୍ଡ ବିଜୟ ପାଇଁ 468 ରନ ଆବଶ୍ୟକ କରୁଥିଲା । ମାତ୍ର 171 ରନରେ ସମସ୍ତ ୱିକେଟ ହରାଇଥିଲା ୱିଲିୟମସନଙ୍କ ଦଳ । ନ୍ୟୁଜିଲାଣ୍ଡ ପକ୍ଷରୁ ବିଜେ ୱେଟଲିଙ୍ଗ 40 ଓ କଲିନ ଗ୍ରାଣ୍ଡହୋମ 33 ରନର ଇଂନିସ ଖେଳିଥିଲେ । ଅଷ୍ଟ୍ରେଲିଆର ମିଟେଲ ଷ୍ଟାର୍କ ଓ ସ୍ପିନର ନାଥନ ଲାୟନ ସର୍ବାଧିକ 4ଟି ଲେଖାଏଁ ୱିକେଟ ଅକ୍ତିଆର କରିଥିଲେ । ପାଟ କମିନ୍ସ 2ଟି ୱିକେଟ ହାସଲ କରିଥିଲେ ।
ପୂର୍ବରୁ ପ୍ରଥମ ଇଂନିସରେ ମାର୍ନସ ଲବୁସାନଙ୍କ ଦମଦାର 143, ଟ୍ରାଭିସ ହେଡଙ୍କ 56 ଓ ସ୍ମିଥଙ୍କ 43 ରନ ବଳରେ ଅଷ୍ଟ୍ରେଲିଆ 416 ରନ କରିଥିଲା । ଜବାବରେ ପ୍ରଥମ ଇଂନିସରେ ନ୍ୟୁଜିଲାଣ୍ଡ ମାତ୍ର 166 ରନ କରିଆଲଆଉଟ ହୋଇଥିଲା । ମାଚିଲ ଷ୍ଟାର୍କ ଘାତକ ବୋଲିଂ କରି 5 ୱିକେଟ ଅକ୍ତିଆର କରିଥିଲେ । 2ୟ ଇଂନିସରେ ଅଷ୍ଟ୍ରେଲିଆ 217 ରନ କରି ନ୍ୟୁଜିଲାଣ୍ଡ ସାମ୍ନାାରେ 468 ରନର କଷ୍ଟକର ଲକ୍ଷ୍ୟ ରଖିଥିଲା ।
