ନୂଆଦିଲ୍ଲୀ: ବକ୍ସିଂ ଡେ ଟେଷ୍ଟ ପ୍ରଥମ ଦିନ ଖେଳ ଶେଷ ହୋଇଛି । ଘରୋଇ ଅଷ୍ଟ୍ରେଲିଆକୁ 195 ରନରେ ଅଲଆଉଟ କରିଛି ଭାରତ । ତେବେ ବକ୍ସିଂ ଡେ ଟେଷ୍ଟର ପ୍ରଥମ ଦିନକୁ ନେଇ ଏକ ବିରଳ ସଂଯୋଗ ଯୋଡି ହୋଇଛି ।
ଟିମ ଇଣ୍ଡିଆର ପୂର୍ବତନ ବିସ୍ଫୋରକ ଓପନର ବୀରେନ୍ଦ୍ର ସେହ୍ବାଗ ଡିସେମ୍ବର 16ରେ ଠିକ 17 ବର୍ଷ ପୂର୍ବେ ଏକାକି 195 ରନର ଇଂନିସ ଖେଳିଥିଲେ ।
ବର୍ଷ 2003/04ରେ ଭାରତର ଅଷ୍ଟ୍ରେଲିଆ ଗସ୍ତରେ ମେଲବୋର୍ଣ୍ଣରେ ଡିସେମ୍ବର 26ରେ ବକ୍ସିଂ ଡେ ଟେଷ୍ଟ ଖେଳିଥିଲା ଭାରତ । ଆକାଶ ଚୋପ୍ରାଙ୍କ ସହ ବୀରେନ୍ଦ୍ର ସେହ୍ବାଗ ଭାରତୀୟ ଇଂନିସର ଆରମ୍ଭ କରିଥିଲେ ।
5ଟି ଛକା ଓ 25 ଚୌକା ସହାୟତାରେ 233 ବଲରୁ ଧୁଆଁଧାର 195 ରନର ଇଂନିସ ଖେଳିଥିଲେ । ଏଥିସହ ମାତ୍ର 5 ରନ ପାଇଁ ବକ୍ସିଂ ଡେ ଟେଷ୍ଟରେ ଦ୍ବିଶତକରୁ ବଞ୍ଚିତ ହୋଇଥିଲେ । ଏହି ମ୍ୟାଚରେ ଭାରତ ପ୍ରଥମେ ଟସ ଜିତି ବ୍ୟାଟିଂ ନିଷ୍ପତ୍ତି ପରେ ପ୍ରଥମ ଇଂନିସରେ 366 ରନ ସଂଗ୍ରହ କରିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
