ନୂଆଦିଲ୍ଲୀ: ରାଜସ୍ଥାନ ରୟାଲ୍ସ ଦ୍ରୁତ ବୋଲର ଚେତନ ସକାରିୟାଙ୍କ ପିତୃ ବିୟୋଗ । ମହାମାରୀ କୋରୋନା ଭାଇରସରେ ଚେତନଙ୍କ ପିତା କାଞ୍ଜିବାଇ ସକାରିୟାଙ୍କ ଦେହାନ୍ତ ହୋଇଛି । କୋଭିଡ-19ରେ ଆକ୍ରାନ୍ତ ହେବାପରେ ଚିକିତ୍ସାଧିନ ଅବସ୍ଥାରେ ରବିବାର ସକାଳେ ଜୀବନ ଯୁଦ୍ଧରେ ହାରିଯାଇଛନ୍ତି ସକାରିୟାଙ୍କ ପିତା ।
-
It pains us so much to confirm that Mr Kanjibhai Sakariya lost his battle with Covid-19 earlier today.
— Rajasthan Royals (@rajasthanroyals) May 9, 2021 " class="align-text-top noRightClick twitterSection" data="
We're in touch with Chetan and will provide all possible support to him and his family in this difficult time.
">It pains us so much to confirm that Mr Kanjibhai Sakariya lost his battle with Covid-19 earlier today.
— Rajasthan Royals (@rajasthanroyals) May 9, 2021
We're in touch with Chetan and will provide all possible support to him and his family in this difficult time.It pains us so much to confirm that Mr Kanjibhai Sakariya lost his battle with Covid-19 earlier today.
— Rajasthan Royals (@rajasthanroyals) May 9, 2021
We're in touch with Chetan and will provide all possible support to him and his family in this difficult time.
ଏନେଇ ରାଜସ୍ଥାନ ରୟାଲ୍ସ ଟିମ ମ୍ୟାନେଜମେଣ୍ଟ ପକ୍ଷରୁ ସୂଚନା ମିଳିଛି । ଏହା ଦୁର୍ଭାଗ୍ୟଜନକ ଓ ପରିବାର ପ୍ରତି ଆମର ସମବେଦନା ରହିଥିବା ଟିମ୍ ମ୍ୟାନେଜମେଣ୍ଟ ପକ୍ଷରୁ କୁହାଯାଇଛି ।
ଅଧାରୁ ସ୍ଥଗିତ ହୋଇଥିବା ଆଇପିଏଲ 2021ରେ 7ଟି ୱିକେଟ ନେଇଥିଲେ ଚେତନ । ଜାନୁଆରୀରେ ଯୁବ ବୋଲର ସକାରିୟା ସୟଦ ମୁସ୍ତାକ ଅଲୀ ଟ୍ରଫି ଖେଳୁଥିବା ସମୟରେ ତାଙ୍କ ଭାଇଙ୍କୁ ହରାଇଥିଲେ ।
ଘରର ଏକୁଟିଆ ରୋଜଗାରିଆ ପୁଅ ହୋଇଥିବାରୁ ଆଇପିଏଲରୁ ଆୟ କରିଥିବା ଅର୍ଥକୁ ସକାରିୟା ପିତାଙ୍କ ଚିକିତ୍ସା ପାଇଁ ଖର୍ଚ୍ଚ କରିଥିଲେ । ମାତ୍ର ଅଦୃଶ୍ୟ ମହାମାରୀ ନିଷ୍ଠୁର ହେବାସହ ତାଙ୍କ ପିତାଙ୍କୁ ଛଡାଇନେଇଛି ।
ପୂର୍ବରୁ ଭାରତୀୟ ମହିଳା କ୍ରିକେଟର ବେଦା କ୍ରୀଷ୍ଣାମୂର୍ତ୍ତୀ ତାଙ୍କର ଭଉଣୀଙ୍କୁ କୋରୋନାରେ ହରାଇଥିଲେ । ଏପ୍ରିଲରେ ମା'ଙ୍କୁ ମଧ୍ୟ ହରାଇଥିଲେ ବେଦା ।
କୋରୋନାର ଦ୍ବିତୀୟ ଲହରରେ ଅନେକ ଲୋକ ସଂକ୍ରମିତ ହେବାରେ ଲାଗିଛନ୍ତି । ଦେଶରେ କୋଭିଡ-19 ପଜିଟିଭ ମାମଲା ଦ୍ରୁତଗତିରେ ବୃଦ୍ଧି ପାଇବାରେ ଲାଗିଛି ।
କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁଯାୟୀ, ଗତ 24 ଘଣ୍ଟାରେ ଭାରତରେ 4,03,738 ନୂଆ ପଜିଟିଭ ମାମଲା ଚିହ୍ନଟ ହୋଇଥିବାବେଳେ, 4000ରୁ ଅଧିକ ଲୋକେ ପ୍ରାଣ ହରାଇଛନ୍ତି । ମୋଟ ସଂକ୍ରମିତଙ୍କ ସଂଖ୍ୟା 2,33,96,414ରେ ପହଞ୍ଚିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
