ଜୋହାନ୍ସବର୍ଗ: ଭାରତୀୟ କ୍ୟାପଟେନ ବିରାଟ କୋହଲି ସୋମବାର ଦକ୍ଷିଣ ଆଫ୍ରିକା ବିପକ୍ଷ ଦ୍ବିତୀୟ ଟେଷ୍ଟରୁ ବାଦ୍ ପଡିଛନ୍ତି । ମ୍ୟାଚ୍ ଆରମ୍ଭର କିଛି ସମୟ ପୂର୍ବରୁ ପିଠିରେ ଯନ୍ତ୍ରଣା ଅନୁଭବ କରିଥିଲେ ବିରାଟ । ଏହାପରେ ସିରିଜର ଗୁରୁତ୍ବପୂର୍ଣ୍ଣ ମ୍ୟାଚ୍ରେ କୋହଲିଙ୍କ ସ୍ଥାନରେ କେଏଲ ରାହୁଲଙ୍କୁ ନେତୃତ୍ବ ଭାର ମିଳିଛି ।
-
🚨 Indian skipper Virat Kohli ruled out of the second #SAvIND Test in Johannesburg.
— ICC (@ICC) January 3, 2022 " class="align-text-top noRightClick twitterSection" data="
More details 👇 #WTC23 https://t.co/6eHvLmjJlS
">🚨 Indian skipper Virat Kohli ruled out of the second #SAvIND Test in Johannesburg.
— ICC (@ICC) January 3, 2022
More details 👇 #WTC23 https://t.co/6eHvLmjJlS🚨 Indian skipper Virat Kohli ruled out of the second #SAvIND Test in Johannesburg.
— ICC (@ICC) January 3, 2022
More details 👇 #WTC23 https://t.co/6eHvLmjJlS
ଟସ୍ ସମୟରେ ରାହୁଲ କହିଛନ୍ତି, "ଦୁଭାର୍ଗ୍ୟପୂର୍ଣ୍ଣ ଭାବେ କୋହଲି ପିଠିରେ ଯନ୍ତ୍ରଣା ଅନୁଭବ କରୁଛନ୍ତି । ଫିଜିଓ ତାଙ୍କର ଚିକିତ୍ସା ଜାରି ରଖିଛନ୍ତି ଓ ଜାନୁଆରୀ ୧୧ରୁ ଆରମ୍ଭ ହେବାକୁ ଥିବା ତୃତୀୟ ଟେଷ୍ଟ ଖେଳିବାକୁ ସେ ସୁସ୍ଥ ହୋଇଥିବେ ବୋଲି ଆଶା କରାଯାଉଛି ।" ଅଲରାଉଣ୍ଡର ହନୁମା ବିହାରୀଙ୍କୁ କୋହଲିଙ୍କ ସ୍ଥାନରେ ଚୂଡାନ୍ତ ଏକାଦଶରେ ସ୍ଥାନ ମିଳିଛି ।
ଏହାମଧ୍ୟ ପଢନ୍ତୁ: India vs South Africa: ଦ୍ବିତୀୟ ଟେଷ୍ଟ ଆରମ୍ଭ, କେଏଲ ରାହୁଲ କ୍ୟାପଟେନ
ଜୋହାନ୍ସବର୍ଗ ଟେଷ୍ଟରୁ ବାଦ୍ ପଡିବା ପରେ କେପଟାଉନରେ ଖେଳାଯିବାକୁ ଥିବା ସିରିଜର ତୃତୀୟ ଟେଷ୍ଟ ବିରାଟ କୋହଲିଙ୍କ ୧୦୦ତମ ଟେଷ୍ଟ ହେବନାହିଁ । କୋହଲିଙ୍କ ପାଇଁ ସବୁକିଛି ସଠିକ୍ ରହିଲେ ଭାରତୀୟ ଟିମର ମ୍ୟାଚ୍ ସୂଚୀ ଅନୁଯାୟୀ, ଫେବ୍ରୁଆରୀରେ ଶ୍ରୀଲଙ୍କା ବିପକ୍ଷରେ ବେଙ୍ଗାଲୁରୁରେ ଖେଳାଯିବାକୁ ଥିବା ଟେଷ୍ଟ କୋହଲିଙ୍କ ୧୦୦ତମ ଟେଷ୍ଟ ହେବ ।
ମୁଖ୍ୟ କୋଚ୍ ରାହୁଲ ଦ୍ରାବିଡ ରବିବାର ପ୍ରି-ମ୍ୟାଚ୍ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରିବା ସମୟରେ କୋହଲିଙ୍କ ଆହତ ସମସ୍ୟା ନେଇ କୌଣସି ସୂଚନା ଦେଇନଥିଲେ । BCCI ସହିତ ହ୍ବାଇଟ୍ ବଲ୍ କ୍ୟାପଟେନ୍ସିକୁ ନେଇ କୋହଲିଙ୍କ ବିବାଦ ଚର୍ଚ୍ଚାରେ ରହିଛି ।ତେବେ ଭାରତର ଅନ୍ୟତମ ମହାନତମ ଖେଳାଳି ଦ୍ରାବିଡ, ସୁପରଷ୍ଟାର ବ୍ୟାଟ୍ର କୋହଲିଙ୍କୁ ସମର୍ଥନ କରିବା ସହ ତାଙ୍କର ନେତୃତ୍ବ ଶୈଳୀକୁ ପ୍ରଶଂସା କରିଥିଲେ ।
ଚଳିତ ଦକ୍ଷିଣ ଆଫ୍ରିକା ଗସ୍ତ ପୂର୍ବରୁ ଏକ ସାମ୍ବାଦିକ ସମ୍ମିଳନୀରେ ବିରାଟ କୋହଲି ଟି-୨୦ କ୍ୟାପଟେନ୍ସି ଛାଡିବା ନେଇ ଏକ ବୟାନ ଦେଇଥିଲେ, ଯାହାକି BCCI ସଭାପତି ସୌରଭ ଗାଙ୍ଗୁଲିଙ୍କ ପୂର୍ବ ବୟାନ ସହ ମେଳ ଖାଇନଥିଲା । ଏହି ବିବାଦ ଏକ ନୂଆ ମୋଡ ନେଇଥିଲା ଯେତେବେଳେ ମୁଖ୍ୟ ଚୟନକର୍ତ୍ତା ଚେତନ ଶର୍ମା ODI ସ୍କ୍ବାଡ୍ ଘୋଷଣା ଦିନ ସାମ୍ବାଦିକ ସମ୍ମିଳନୀରେ BCCI ସଭାପତିଙ୍କ ପକ୍ଷ ନେଇଥିଲେ । ଅତିକମରେ ଟି-୨୦ ବିଶ୍ବକପ ପର୍ଯ୍ୟନ୍ତ ଟି-୨୦ କ୍ୟାପଟେନ୍ସି ଛାଡିବା ନିଷ୍ପତ୍ତି ଘୋଷଣାକୁ ଘୁଞ୍ଚାଇବାକୁ କୋହଲିଙ୍କୁ ସମସ୍ତେ ଅନୁରୋଧ କରିଥିବା ଚେତନ ଶର୍ମା କହିଥିଲେ ।
ସବୁଠୁ ଗୁରୁତ୍ବପୂର୍ଣ୍ଣ କଥା ହେଉଛି କୋହଲିଙ୍କ ସେହି ସାମ୍ବାଦିକ ସମ୍ମିଳନୀ ଯେଉଁଥିରେ ଗାଙ୍ଗୁଲିଙ୍କ ବୟାନ ଠାରୁ ଭିନ୍ନମତ ରଖିଥିଲେ, ସେବେଠାରୁ ଗଣମାଧ୍ୟମ ସାମ୍ନାକୁ ଆସିନାହାନ୍ତି । ରବିବାର ଦ୍ରାବିଡ କହିଥିଲେ ଯେ, ୧୦୦ତମ ଟେଷ୍ଟରେ କୋହଲି ନିଜକୁ ସମସ୍ତ ପ୍ରଶ୍ନ ପାଇଁ ଉପଲବ୍ଧ ରଖିଛନ୍ତି ।
PTI
