କଟକ: ବାରବାଟୀରେ ଖେଳାଯିବ ଭାରତ-ଦକ୍ଷିଣ ଆଫ୍ରିକା ଟି-20 ମୁକାବିଲା । ଟି-୨୦ ସିରିଜ ପାଇଁ ସାଉଥ ଆଫ୍ରିକା ଟିମ ଭାରତ ଗସ୍ତ କରିବାର ସୂଚୀ ରହିଛି । ଏହି ଟି20 ସିରିଜର ଏକ ମ୍ୟାଚ୍ ବାରବାଟୀରେ ଖେଳାଯିବା ନେଇ BCCI ସହମତି ପ୍ରକାଶ କରିଛି ।
ବିସିସିଆଇ ସଭାପତି ସୌରଭ ଗାଙ୍ଗୁଲିଙ୍କ ସହ ଆଲୋଚନା କରିଛନ୍ତି ଓଡିଶା କ୍ରିକେଟ ଆସୋସିଏସନ(OCA) ସମ୍ପାଦକ ସଞ୍ଜୟ ବେହେରା । ବିସିସିଆଇ ପକ୍ଷରୁ ମିଳିଛି ଗ୍ରୀନ ସିଗନାଲ ମିଳିବା ପରେ OCA ପକ୍ଷରୁ ସୂଚନା ମିଳିଛି ।
ଏହାମଧ୍ୟ ପଢନ୍ତୁ: Ranji Trophy: OCA କ୍ୟାମ୍ପ୍ ଆରମ୍ଭ, ଜାଫର୍ଙ୍କ ଗୁରୁମନ୍ତ୍ରରେ ଜିତିବ ଓଡିଶା
ପୂର୍ବରୁ ଫେବୃଆରୀ 15ରେ ଭାରତ ଓ ୱେଷ୍ଟ ଇଣ୍ଡିଜ ମଧ୍ୟରେ ଟି20 ମୁକାବିଲା ଖେଳାଯିବା ନେଇ ସୂଚୀ ରହିଥିଲା । ମାତ୍ର ଦେଶରେ କୋଭିଡ ସ୍ଥିତିକୁ ଦୃଷ୍ଟିରେ ରଖି ବିସିସିଆଇ ଏହି ସିରିଜର ଭେନ୍ୟୁ ପରିବର୍ତ୍ତନ କରିଥିଲା । ଦିନିକିଆ ସିରିଜର ସମସ୍ତ ୩ଟି ମ୍ୟାଚ୍ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମ ଓ ଟି-୨୦ ସିରିଜର ୩ଟି ମ୍ୟାଚ୍ ଇଡେନ ଗାର୍ଡେନ କୋଲକାତାରେ ଆୟୋଜନ ପାଇଁ ପରିବର୍ତ୍ତିତ ଭେନ୍ୟୁ ସୂଚୀ ଜାରି କରିଥିଲା ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
