ଲଣ୍ଡନ: ହେଡିଂଲି ଲିଡସରେ ଜାରି ରହିଥିବା ଭାରତ ଓ ଇଂଲଣ୍ଡ ମଧ୍ୟରେ ତୃତୀୟ ଟେଷ୍ଟ ମ୍ୟାଚରେ ଭାରତୀୟ ଫାଷ୍ଟ ବୋଲର ମହମ୍ମଦ ସିରାଜଙ୍କୁ ଷ୍ଟାଡିୟମରେ ଉପସ୍ଥିତ ଥିବା ଇଂଲଣ୍ଡ ଫ୍ୟାନଙ୍କ ଅଭଦ୍ରାମୀ ସହିବାକୁ ପଡ଼ିଛି । ଟେଷ୍ଟ ମ୍ୟାଚର ପ୍ରଥମ ଦିନରେ ସିରାଜ ଫିଲ୍ଡିଂ କରୁଥିବା ତାଙ୍କ ଉପରକୁ ବଲ ଫୋଫାଡ଼ିଥିଲେ ଇଂଲଣ୍ଡର ସମର୍ଥକ । ଏହାକୁ ନେଇ ଭାରତୀୟ ୱିକେଟ କିପର ଋଷଭ ପନ୍ତ ସୂଚନା ଦେଇଛନ୍ତି ।
ବୁଧବାର ଏହି ଘଟଣା ପରେ ବିରାଟ କୋହଲି ବାଉଣ୍ଡ୍ରିରେ କିଏ ଏଭଳି କାର୍ଯ୍ୟ କରିଥିବା ନେଇ ସିରାଜକୁ ପଚାରୁଥିବା ଦେଖିବାକୁ ମିଳିଛି । ଏହାକୁ ନେଇ ପ୍ରତିକ୍ରିୟା ଦେଇ ଋଷଭ ପନ୍ତ କହିଛନ୍ତି ଯେ, "କିଏ ଜଣେ ଦର୍ଶକ ଷ୍ଟାଣ୍ଡରୁ ସିରାଜଙ୍କ ଉପରକୁ ବଲ ଫୋଫାଡି଼ଥିଲେ । ଏଥିପାଇଁ କୋହଲି ମଧ୍ୟ ଦୁଃଖିତ ଥିଲେ । ଆପଣ ଯାହା କହିବା କଥା କହିପାରିବେ । କିନ୍ତୁ ପଡ଼ିଆରେ ଖେଳୁଥିବା ଖେଳାଳିଙ୍କ ଉପରକୁ କିଛି ଫୋଫାଡ଼ିବା ଭଦ୍ରତାର ପରିଚୟ ନୁହେଁ ।"
ପ୍ରଥମ ଦିନରେ ଭାରତ ୭୮ ରନରେ ଅଲଆଉଟ ହେବାପରେ, ଇଂଲଣ୍ଡ ୧୨୦ କରିଥିଲା । ଏହାପରେ ଋଷଭ ପନ୍ତ ସିରାଜଙ୍କ ଉପରକୁ ଦର୍ଶକ ବଲ ପକାଇଥିବା କଥା କହିଥିଲେ । ୫ଟିକିଆ ଟେଷ୍ଟ ମ୍ୟାଚ ସିରିଜରେ ବର୍ତ୍ତମାନ ସୁଦ୍ଧା ସିରାଜଙ୍କ ଭୂମିକା ଭାରତ ପାଇଁ ଗୁରୁତ୍ବପୂର୍ଣ୍ଣ ରହିଛି । ଦ୍ବିତୀୟ ଟେଷ୍ଟରେ ସିରାଜ ଦମଦାର ବୋଲିଂ କରି ଭାରତକୁ ବିଜୟ ଦ୍ବାର ଦେଖାଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
