କାରାରା ଓଭାଲ(କୁଇନ୍ସଲ୍ୟାଣ୍ଡ୍): ଭାରତ ଓ ଅଷ୍ଟ୍ରେଲିଆ ମହିଳା ଟିମ ମଧ୍ୟରେ ଜାରି ରହିଛି ୩ ମ୍ୟାଚ ବିଶିଷ୍ଟ ଟି-୨୦ ସିରିଜର ତୃତୀୟ ତଥା ଶେଷ ଟି-୨୦ ମ୍ୟାଚ୍ । ଟସ୍ ଜିତି ଭାରତୀୟ କ୍ୟାପଟେନ୍ ହରମନପ୍ରୀତ କୌର ପ୍ରଥମେ ବୋଲିଂ ନିଷ୍ପତ୍ତି ନେବାସହ ଘରୋଇ ଟିମକୁ ବ୍ୟାଟିଂ ଆମନ୍ତ୍ରଣ କରିଥିଲେ । ଫଳରେ ପ୍ରଥମେ ବ୍ୟାଟିଂ କରି ଅଷ୍ଟ୍ରେଲିଆ ନିର୍ଦ୍ଧାରିତ ୨୦ ଓଭରରେ ୫ ୱିକେଟ ହରାଇ ୧୪୯ ରନ୍ ସଂଗ୍ରହ କରିଛି । ଭାରତ ସାମ୍ନାରେ ୧୫୦ ରନ୍ର ବିଜୟ ଲକ୍ଷ୍ୟ ରହିଛି ।
ଓପନର ବେଥ ମୁନି ଘରୋଇ ଟିମର ସର୍ବାଧିକ ସ୍କୋରର ରହିଛନ୍ତି । ୪୩ ବଲ୍ରୁ ୧୦ ଚୌକା ସହାୟତାରେ ଦ୍ରୁତ ୬୩ ରନ୍ର ଅର୍ଦ୍ଧଶତକୀୟ ଇଂନିସ ଖେଳିଛନ୍ତି । ତେବେ ଶେଷ ଭାଗରେ ତାହିଲା ମାଗ୍ରାଥ ୩୧ ବଲ୍ରୁ ୬ଟି ଚୌକା ଓ ଗୋଟିଏ ଛକା ସହାୟତାରେ ଅପରାଜିତ ୪୪ ରନର୍ ଇଂନିସ ଖେଳି ଦଳୀୟ ସ୍କୋର୍କୁ ୧୪୦ ପାର୍ କରାଇଥିଲେ । କ୍ୟାପଟେନ୍ ମେଗ ଲାନିଙ୍ଗ୍ ମାତ୍ର ୧୪ ରନ୍ କରିଥିଲେ ।
ଅନ୍ୟପଟେ ଭାରତ ପକ୍ଷରୁ ରାଜେଶ୍ବରୀ ଗାଏକ୍ବାଡ ସର୍ବାଧିକ ୨ଟି ୱିକେଟ ହାସଲ କରିଛନ୍ତି । ରେଣୁକା ସିଂ, ପୂଜା ବସ୍ତ୍ରକର ଓ ଦିପ୍ତୀ ଶର୍ମା ଗୋଟିଏ ଲେଖାଏଁ ୱିକେଟ ହାତେଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
