ପତ୍ନୀଙ୍କ ଆଗରେ MSDଙ୍କୁ ଚକୋଲେଟ ଦେଲେ ଏୟାର ହୋଷ୍ଟେସ, ଭିଡିଓ ଭାଇରାଲ

ଫ୍ଲାଇଟରେ ଧୋନୀଙ୍କୁ ତାଙ୍କ ପତ୍ନୀଙ୍କ ଆଗରେ ଚକୋଲେଟ ସହ ଏକ ଚିଠି ଦେଇଛନ୍ତି ଜଣେ ଏୟାର ହୋଷ୍ଟେସ ଯାହାର ଭିଡିଓ ଭାଇରାଲ ହେବାରେ ଲାଗିିଛି । ଦେଖନ୍ତୁ ଭିଡିଓ ।

ନୂଆଦିଲ୍ଲୀ: ଆଇପିଏଲ ପରେ ଏବେ ପତ୍ନୀଙ୍କ ସହ ବୁଲାବୁଲି କରୁଛନ୍ତି କ୍ୟାପ୍ଟେନ କୁଲ ମହେନ୍ଦ୍ର ସିଂହ ଧୋନୀ । ଏବେ ଏମଏସଡ଼ିଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାର ଲାଗିଛି । ଭିଡିଓରେ ଦେଖିବାକୁ ମିଳିଛି ଯେ ଧୋନୀଙ୍କୁ ଜଣେ ଏୟାର ହୋଷ୍ଟେସ କିଛି ଚକୋଲେଟ ସହ ଏକ ଚିଠି ଦେଇଛନ୍ତି । ଧୋନୀଙ୍କ ପତ୍ନୀ ସାକ୍ଷୀଙ୍କ ଆଗରେ ଏୟାର ହୋଷ୍ଟେସ ଜଣଙ୍କ ଧୋନୀଙ୍କୁ ଏକ ଚିଠି ସହ କିଛି ଚକୋଲେଟ ଦେଇଥିବା ଦେଖିବାକୁ ମିଳିଛି । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭିଡିଓକୁ ସମସ୍ତେ ବହୁତ ପସନ୍ଦ କରୁଛନ୍ତି ।

ଭିଡିଓରେ ଦେଖିବାକୁ ମିଳିଛି ଯେ, ଫ୍ଲାଇଟରେ ଧୋନୀ ତାଙ୍କ ପତ୍ନୀଙ୍କ ସହ କେଉଁଆଡେ ଯାତ୍ରା କରୁଛନ୍ତି । ସେ ତାଙ୍କ ସିଟରେ ବସି କାଣ୍ଡିକ୍ରସ ଖେଳୁ ଥିବା ଦେଖିବାକୁ ମିଳିଛି ପାଖ ସିଟରେ ତାଙ୍କ ପତ୍ନୀ ସାକ୍ଷୀ ବସିଛନ୍ତି । ଅଚାନକ ଜଣେ ଏୟାର ହୋଷ୍ଟେସ ଏକ ପ୍ଲେଟରେ କିଛି ଚକୋଲେଟ ସହ ଏକ ଚିଠି ଆଣି ଧୋନୀଙ୍କ ପାଖକୁ ଆସିଥିଲେ । ପ୍ଲେଟଟିକୁ ଧୋନୀଙ୍କୁ ଦେଇଥିଲେ । ଧୋନୀ ଖୁସିର ସହ ଚକୋଲେଟ ଓ ଚିଠିଟିକୁ ନେଇଥିବା ଦେଖିବାକୁ ମିଳିଛି । ଧୋନୀ ଅଚାନକ ଦେଖି କିଛି ସମୟ ପାଇଁ ଶଦ୍ଦହୀନ ରହିଥିବା ବେଳେ ପ୍ଲେଟରୁ ଗୋଟିଏ ଚକୋଲେଟ ନେଇଥିଲେ । ଏହାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି ।

ପ୍ରକାଶ ଥାଉ କି, ନିକଟରେ ଆଇପିଏଲର 16ତମ ସଂସ୍କରଣ ଶେଷ ହୋଇଛି । ମହେନ୍ଦ୍ର ସିଂହ ଧୋନୀଙ୍କ ନେତୃତ୍ବରେ ଚେନ୍ନାଇ ସୁପରକିଙ୍ଗସ ପଞ୍ଚମ ଥର ଟାଇଟଲ ହାସଲ କରିଥିଲା । ଡିଫେଣ୍ଡି ଚମ୍ପିଆନ ଗୁଜୁରାଟ ଟାଇଟନ୍ସକୁ ହରାଇ ଚମ୍ପିଆନ ହୋଇଥିଲା ଚେନ୍ନାଇ । ଶେଷ ଦୁଇ ବଲରେ 10 ରନ ଦରକାର ଥିଲା । କ୍ରିଜରେ ଥିଲେ ସାର ଜାଡେଜା । ପ୍ରଥମ ବଲ ଛକା ଓ ଦ୍ବିତୀୟ ବଲରେ ଚୌକା ମାରି ଦଳକୁ ବିଜୟୀ କରାଇଥିଲେ ଅଲରାଉଣ୍ଡର ରବୀନ୍ଦ୍ର ଜାଡେଜା । ଅନ୍ତର୍ଜାତୀୟ କ୍ରିକେଟରୁ ଅବସର ନେବା ପରେ ଧୋନୀ ଏବେ ଆଇପିଏଲର ଅଂଶ ଅଛନ୍ତି । ଧୋନୀଙ୍କ ଅଧିନାୟକତ୍ବରେ ଚେନ୍ନାଇ 5ଥର ଚମ୍ପିଆନ ହୋଇଛି ।