କ୍ବାଲାଲାମ୍ପପୁର:ବିଶ୍ବ ଚମ୍ପିଆନ ଭାରତୀୟ ବ୍ୟାଡମିଣ୍ଟନ ଖେଳାଳି ପିଭି ସିନ୍ଧୁ ମାଲେସିଆ ମାଷ୍ଟର୍ସ ଟୁର୍ଣ୍ଣାମେଣ୍ଟରୁ ନବବର୍ଷ ଆରମ୍ଭ କରିବେ । ତେବେ ମାଲେସିଆ ମାଷ୍ଟର୍ସ ସୁପର 500 ଟୁର୍ଣ୍ଣାମେଣ୍ଟରେ ବିଜୟ ହାସଲ କରି ନବବର୍ଷ ଆରମ୍ଭ କରିବାକୁ ଚାହିଁବେ । 7ଜାନୁଆରୀରୁ ଏହି ଟୁର୍ଣ୍ଣାମେଣ୍ଟ ଆରମ୍ଭ ହେବ ।
ତେବେ ମାଲେସିଆ ମାଷ୍ଟର୍ସ ଟୁର୍ଣ୍ଣାମେଣ୍ଟରେ ବିଶ୍ବର 6ଷ୍ଠ ନମ୍ବର ଖେଳାଳି ସିନ୍ଧୁ ନିଜର ପ୍ରଥମ ରାଉଣ୍ଡରେ ଋଷର ୟେଓ୍ବଗୋନିୟା କୋସେତ୍ସକାୟାଙ୍କ ବିପକ୍ଷରେ ଖେଳିବେ । ଯଦି ସିନ୍ଧୁ ପ୍ରଥମ ରାଉଣ୍ଡରେ ବିଜୟ ହାସଲ କରନ୍ତି ତେବେ କ୍ବାଟର ଫାଇନାଲରେ ବିଶ୍ବର ନଂ 1 ଖେଳାଳି ତାଇ ଜୁ ୟିଙ୍ଗଙ୍କ ବିପକ୍ଷରେ ଖେଳିବେ ।
ସୂଚନାଥାଉକି, ଗତବର୍ଷ ବିଶ୍ବ ଚମ୍ପିଆନସିପ୍ରେ ଟାଇଟଲ ଜିତିଥିଲେ ସିନ୍ଧୁ । କିନ୍ତୁ ଏହାପରେ ସେ ଭଲ ଫର୍ମରେ ନଥିଲେ । ବର୍ଷର ଶେଷ ମାସରେ ବିଶ୍ବ ଟୁର ଫାଇନାଲ୍ସରେ ଟାଇଟଲ ଜିତିବାରୁ ମଧ୍ୟ ବଞ୍ଚିତ ରହିଲେ ପିଭି ସିନ୍ଧୁ ।
