କୁଆଲାଲମ୍ପୁର: ଭାରତୀୟ ଷ୍ଟାର ସର୍ଟଲର କିଡାମ୍ବି ଶ୍ରୀକାନ୍ତ ଚଳିତ ମାଲେସିଆ ଓପନରେ ପରାଜୟ ସହ ଯାତ୍ରା ଶେଷ କରିଛନ୍ତି । ଶୁକ୍ରବାର ଖେଳାଯାଇଥିବା ପୁରୁଷ ବର୍ଗର କ୍ବାର୍ଟରଫାଇନାଲ ଇଭେଣ୍ଟରେ ସେ ଚେନ ଲଙ୍ଗଙ୍କଠାରୁ ପରାସ୍ତ ହୋଇଛନ୍ତି ।
ଇଣ୍ଡିଆ ଓପନ ଫାଇନାଲିଷ୍ଟ ତଥା ୮ମ ସିଡ୍ ଭାରତୀୟ ଖେଳାଳି ଶ୍ରୀକାନ୍ତ ୧୮-୨୧, ୧୯-୨୧ ଗେମରେ ବିପକ୍ଷଠାରୁ ପରାସ୍ତ ହୋଇଛନ୍ତି । ଚଳିତ ସିଜନର ଏହା ଥିଲା ଶ୍ରୀକାନ୍ତଙ୍କ ୪ର୍ଥ କ୍ୱାର୍ଟର ଫାଇନାଲ ମ୍ୟାଚ୍ । ତେବେ ମ୍ୟାଚର ପ୍ରଥମ ଗେମରେ ଶ୍ରୀକାନ୍ତ ୧୬-୧୧ ପଏଣ୍ଟରେ ଆଗୁଆ ଥିଲେ । ମାତ୍ର ପ୍ରତିଦ୍ବନ୍ଦ୍ବୀର ଆକାକୁ ସାମ୍ନା ନକରି ପାରି 2ୟ ଗେମରେ 7-11 ପଏଣ୍ଟ ପଛୁଆ ରହିଥିଲେ । ଫଳରେ ମ୍ୟାଚରେ ପରାଜିତ ହେବାକୁ ପଡିଥିଲା ।
ତେବେ 26 ବର୍ଷିୟ ଶ୍ରୀକାନ୍ତଙ୍କ ଚେନ ଲଙ୍ଗ ବିପକ୍ଷରେ ହେଡ଼ ଟୁ ହେଡ ରେକର୍ଡ ରହିଛି 1-5 ।
