କୁଆଲାଲାମ୍ପୁର: ନୂଆ ବର୍ଷରେ ବ୍ୟାଡମିଣ୍ଟନ ଷ୍ଟାରଙ୍କ ସଫଳତା । ଏଠାରେ ଚାଲିଥିବା ମାଲେସିଆ ମାଷ୍ଟର୍ସର ପ୍ରଥମ ମ୍ୟାଚରେ ବିଜୟୀ ହୋଇ 2ୟ ରାଉଣ୍ଡକୁ ଉଠିଛନ୍ତି ଅଲମ୍ପିଆନ ପିଭି ସିନ୍ଧୁ । ସେହିପରି ଅନ୍ୟତମ ଭାରତୀୟ ବ୍ୟାଡମିଣ୍ଟନ ଷ୍ଟାର ସାଇନା ନେହ୍ବାଲ ମଧ୍ୟ 2ୟ ରାଉଣ୍ଡକୁ ପ୍ରବେଶ କରିଛନ୍ତି ।
ତେବେ ସିନ୍ଧୁ ଋଷିଆର ଷ୍ଟାର ସର୍ଟଲର ଏବୋଗେନିଆ କୋସେଟ୍କାୟାଙ୍କୁ ସିଧାସଳଖ 21-15, 21-13 ସେଟରେ ପରାସ୍ତ କରିଛନ୍ତି । ସିନ୍ଧୁଙ୍କୁ ଏହି ବିଜୟ ପାଇଁ ମାତ୍ର 35 ମିନିଟ ସମୟ ଲାଗିଥିଲା । ଅନ୍ୟପଟେ ସାଇନା ନେହ୍ବାଲ ମଧ୍ୟ ଋଷିଆ ଖେଳାଳି ଲିଆନେ ଟନଙ୍କୁ ସିଧାସଳଖ 21-15, 21-17 ସେଟରେ ପରାସ୍ତ କରି ଟୁର୍ଣ୍ଣାମେଣ୍ଟର 2ୟ ରାଉଣ୍ଡକୁ ପ୍ରବେଶ କରିଛନ୍ତି ।
