କୋରିଆ ଓପନ: ସେମିରେ କଶ୍ୟପ ପରାସ୍ତ, ଭାରତର ଅଭିଯାନ ଶେଷ

କୋରିଆ ଓପନରେ ଭାରତର ଅଭିଯାନ ଶେଷ ହୋଇଛି ।  ପାରୁପଲ୍ଲୀ କଶ୍ୟପ ସେମିଫାଇନାଲ ମୁକାବିଲାରେ ଜାପାନର କେଣ୍ଟୋ ମୋମତାଙ୍କ ଠାରୁ ପରାଜିତ ହୋଇଛନ୍ତି ।

ହାଇଦ୍ରାବାଦ: କୋରିଆ ଓପନରେ ଭାରତର ଶେଷ ଆଶା ଥିଲେ ପାରୁପଲ୍ଲୀ କଶ୍ୟପ । ସେମିଫାଇନାଲ ମୁକାବିଲାରେ ପାରୁପଲ୍ଲୀ ଜାପାନର କେଣ୍ଟୋ ମୋମତାଙ୍କ ଠାରୁ 13-21, 15 -21 ସେଟରେ ପରାଜିତ ହୋଇଛନ୍ତି ।

କେଣ୍ଟୋ ବିଶ୍ବ ମାନ୍ୟତାର ନଂ1 ଖେଳାଳି ରହିଛନ୍ତି । ମ୍ୟାଚ ଆରମ୍ଭରୁ ହିଁ ପାରୁପଲ୍ଲୀଙ୍କ ଉପରେ ଭାରୀ ପଡିଥିଲେ ଜାପାନ ସଟଲର । ପ୍ରଥମ 2ଟି ସେଟକୁ ଏକପାଖିଆ ଜିତିନେଇ ବିଜୟୀ ହୋଇଥିଲେ କେଣ୍ଟୋ ମୋମତା । ପାରୁପଲ୍ଲୀଙ୍କ ପରାଜୟ ପରେ ଭାରତର କୋରିଆ ଓପନ ଅଭିଯାନ ଶେଷ ହୋଇଛି । ପୂର୍ବରୁ ପିଭି ସିନ୍ଧୁ, ସାଇନା ନେହେୱାଲ ଓ ସାଇ ପ୍ରଣୀତ ଟୁର୍ଣ୍ଣାମେଣ୍ଟରୁ ବାଦ ପଡିସାରିଛନ୍ତି ।