ହାଇଦ୍ରାବାଦ: ଇଣ୍ଡୋନେସିଆ ଓପନ ଫାଇନାଲରେ ପରାଜାତି ହୋଇଛନ୍ତି ପିଭି ସିନ୍ଧୁ । ଜାପାନର ଅକାନେ ୟାମାଗୁଚି ଫାଇନାଲ ମ୍ୟାଚରେ ଏକତରଫା ବିଜୟ ହାସଲ କରିଛନ୍ତି । ୟାମାଗୁଚିଙ୍କ ବିପକ୍ଷରେ 15 ଟି ମ୍ୟାଚରୁ ସିନ୍ଧୁଙ୍କର ଏହା 5ମ ପରାଜୟ । ତେବେ ବଡ ଟୁର୍ଣ୍ଣାମେଣ୍ଟର ଫାଇନାଲରେ ସିନ୍ଧୁଙ୍କ ପରାଜୟ ଧାରାରେ ଆଉ ଏକ ମ୍ୟାଚ ଯୋଡି ହୋଇଛି ।
ୟାମାଗୁଚିଙ୍କ ଠାରୁ ସିନ୍ଧୁ 15-21, 16-21 ସେଟରେ ଏକପାଖିଆ ପରାଜିତ ହୋଇଛନ୍ତି । ମ୍ୟାଚରେ ସିନ୍ଧୁଙ୍କ ଏକାଧିକ ବିଫଳ ପ୍ରୟାସ ବୁମେରାଂ ହୋଇଥିଲା । ପ୍ରଥମ ସେଟରେ ଏକଦା ଆଗୁଆ ରହିଥିଲେ ସିନ୍ଧୁ । ତେବେ ପରେ ଜାପାନର ସର୍ଟଲର ପ୍ରତି ଆକ୍ରମଣ କରି ପଏଣ୍ଟରେ ଆଗୁଆ ହେବା ସହ 2ଟି ସେଟରେ ହିଁ ମ୍ୟାଚକୁ ଜିତି ନେଇଥିଲେ ।
