ମୁମ୍ବାଇ: ଲୋକପ୍ରିୟ ୟୁଟ୍ୟୁବର୍ ଭୁବନ୍ ବାମ କୋରୋନା ପଜିଟିଭ ବୋଲି ଜଣାପଡିଛି । ସେ ନିଜେ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ପ୍ରଶଂସକମାନଙ୍କୁ ଏ ବିଷୟରେ ସୂଚନା ଦେଇଛନ୍ତି ।
ରବିବାର ଭୁବନ୍ କହିଛନ୍ତି ଯେ, ମୁଁ କିଛି ଦିନ ହେବ ସୁସ୍ଥ ଅନୁଭବ କରୁନଥିଲି, ଯାହାପରେ ମୁଁ କୋରୋନା ଟେଷ୍ଟ କରିଥିଲି । ଯାହାର ରିପୋର୍ଟ ପଜିଟିଭ ଆସିଛି ଏବଂ ମୁଁ ଏହାକୁ ହାଲୁକା ଭାବେ ନେବାକୁ ଚାହୁଁ ନାହିଁ ।
ଏଥିସହିତ ଭୁବନ୍ ତାଙ୍କ ଇନଷ୍ଟାଗ୍ରାମରେ ଲେଖିଛନ୍ତି, "ମାସ୍କ ପିନ୍ଧ, ନିଜକୁ ପରିଷ୍କାର ରଖ ଏବଂ ସାମାଜିକ ଦୂରତା ବଜାୟ ରଖ" ।
ପ୍ରକାଶ ଥାଉ ଯେ, ଭୁବନ୍ ତାଙ୍କର ୟୁଟ୍ୟୁବ୍ କମେଡି ଚ୍ୟାନେଲ୍ ବିବି କି ଭାଇନ୍ସ ପାଇଁ ଜଣାଶୁଣା ।
ବ୍ୟୁରୋ ରିପୋର୍ଟ, ଇଟିଭି ଭାରତ
