ନୂଆଦିଲ୍ଲୀ : ବଲିଉଡର ଡ୍ରାମା କୁଇନ ରାକ୍ଷୀ ସାୱନ୍ତ ସବୁବେଳେ ଲାଇମଲାଇଟରେ ରହିବାକୁ ଭଲ ପାଆନ୍ତି । ସେ ଯାହା ବି କରନ୍ତି ଚର୍ଚ୍ଚାରେ ଆସିଯାଆନ୍ତି । ଏବେ ସେ ନିଜ ବୟାନକୁ ନେଇ ଚର୍ଚ୍ଚାରେ ।
ବାସ୍ତବରେ, ଆକ୍ସନ ନିର୍ଦ୍ଦେଶକ ରୋହିତ ସେଟ୍ଟୀଙ୍କ ଫେମସ ରିୟାଲିଟି ଶୋ ‘ଖତରୋଁ କେ ଖିଲାଡି’ ସିଜନ 11କୁ ନେଇ ଦୀର୍ଘ ସମୟରୁ ଚର୍ଚ୍ଚା । ଖୁବଶୀଘ୍ର ପ୍ରସାରଣ ହେବାକୁ ଯାଉଛି ଏହି ଆକ୍ସନଭରା ଶୋ । ସେହିପରି ଦର୍ଶକଙ୍କ ମଧ୍ୟ ଉତ୍ସାହିତ ଅଛନ୍ତି ଶୋରେ ସାମିଲ ହେବାକୁ ଯାଉଥିବା ସେଲିବ୍ରିଟି ପ୍ରତିଯୋଗୀଙ୍କୁ ନେଇ । ଇତିମଧ୍ୟରେ ସାମ୍ନାକୁ ଆସିଯାଇଛି ଏଥର ସିଜନରେ ଭାଗ ନେବାକୁ ଯାଉଥିବା କିଛି ପ୍ରତିଯୋଗୀଙ୍କ ନାଁ । ଏହି ସେଲିବ୍ରିଟିମାନଙ୍କ ମଧ୍ୟରେ ଅଭିନବ ଶୁକ୍ଲା, ରାହୁଲ ବୈଦ୍ୟ, ନିକ୍କି , ବରୁଣ, ଶ୍ବେତା ତିୱାରୀ ଏବଂ ଅର୍ଜୁନଙ୍କ ନାଁ ସାମିଲ ଅଛି ।
- " class="align-text-top noRightClick twitterSection" data="
">
କିନ୍ତୁ ସୋ ଡେବ୍ୟୁ ପୂର୍ବରୁ ରାକ୍ଷୀ ସୋ’ର ଭବିଶ୍ୟତବାଣୀ କରି ବିଜେତାଙ୍କ ନାଁ ଘୋଷଣା କରିଛନ୍ତି ।
ନିକଟରେ ରାକ୍ଷୀଙ୍କୁ ‘ଖତୋରୋଁ କେ ଖିଲାଡି 11’ ବିଷୟରେ କିଛି ପ୍ରଶ୍ନ ପଚରାଯାଇଥିଲା, ଯାହାକୁ ନେଇ ସେ କହିଥିଲେ ଯେ ଅଭିନବ ବହୁତ ଶକ୍ତିଶାଳୀ ଏବଂ ସେ ହିଁ ଜିତିବେ । କାରଣ ସେ କାହା ବାପାଙ୍କୁ ଡରନ୍ତି ନାହିଁ ।
ଏଥିସହିତ ରାକ୍ଷୀଙ୍କ ଅନ୍ୟ ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ସେ କହିଛନ୍ତି ଯେ, ମୁଁ ଏହି ସାପ, ବିଛା, ସିଂହ କାହାକୁ ଭୟ କରେ ନାହିଁ । ତମେ ଜାଣିଛ ମୁଁ କିଏ ? ମୁଁ ମୋଗଲିଙ୍କ ପରିବାରର ଅଟେ ।
