ମୁମ୍ବାଇ: କିଛି ଦିନ ହେବ ସେଲିବ୍ରିଟି ଡାନ୍ସ ରିୟାଲିଟି ଶୋ ନଚ ବଲିଏ 10କୁ ନେଇ ଚର୍ଚ୍ଚା । ଖୁବଶୀଘ୍ର ଶୋର ଟେଲିକାଷ୍ଟ ହେବାକୁ ଯାଉଛି । ଯାହାକୁ ନେଇ ଏକ୍ସାଇଟେଡ ଦର୍ଶକ । ଶୋରେ ସାମିଲ ହେବା ଯୋଡିଙ୍କୁ ମେକର୍ସ ଆପ୍ରୋଚ କରିବାରେ ବର୍ତ୍ତମାନ ବ୍ୟସ୍ତ ଅଛନ୍ତି । ନିକଟରେ ଶୁଣିବାକୁ ମିଳୁଥିଲା ଯେ ଶୋରେ ଟିଭିର ଫେମସ ଅଭିନେତ୍ରୀ ରୁବୀନା ଦିଲୈକ ସ୍ବାମୀ ଅଭିନବ ଶୁକ୍ଲାଙ୍କ ସହ ସାମିଲ ହେବ । ହେଲେ ଏବେ ଏପରି ଖବର ଉପରେ ଫୁଲଷ୍ଟପ ଲଗାଇଛନ୍ତି ରୁବୀନା ।
ଏକ ସାକ୍ଷାତକାରରେ ଯୋଗ ଦେଇ ରୁବୀନା କହିଥିଲେ ଯେ ନଚ ବଲିଏ ମେକର୍ସ ସେମାନଙ୍କୁ ଏଯାବତ ଆପ୍ରୋଚ କରିନାହାଁନ୍ତି । ଆଉ ଏଥର ସିଜନରେ ସେ ସ୍ବାମୀଙ୍କ ସହ ପାର୍ଟିସିପେଟ କରିବେ ନାହିଁ ।
ପ୍ରକାଶ ଥାଉକି ଗତ ସିଜନରେ ମଧ୍ୟ ରୁବୀନା ଓ ଅଭିନବ ଶୋର ପ୍ରତିଯୋଗୀ ରୂପେ ନଜର ଆସିବାର ଚର୍ଚ୍ଚା ଜୋର ଧରିଥିଲା । ହେଲେ ଏହା ସମ୍ଭବ ହୋଇପାରିନଥିଲା ।
