ମୁମ୍ବାଇ: ପପୁଲାର କମେଡି ଶୋ 'ତାରଖ ମେହତା କା ଉଲ୍ଟା ଚଷମା' ଦୀର୍ଘ ସମୟରୁ ଚର୍ଚ୍ଚାରେ ରହିଆସଛି । ଏହି ଶୋରେ ଦୟାବେନ ପୁଣି ଦେଖିବାକୁ ଅପେକ୍ଷା କରିବସିଛନ୍ତି ଦର୍ଶକ । କିନ୍ତୁ ଦର୍ଶକଙ୍କୁ ନିରାଶ କଲା ଭଳି ଖବର ବର୍ତ୍ତମାନ ଶୁଣିବାକୁ ମିଳୁଛି । ଆଜ୍ଞା ହଁ, ଦର୍ଶକଙ୍କ ଫେଭରେଟ ଦୟାବେନ ତଥା ଦିଶା ବକାନୀ ଆଉ ଶୋରେ ନଜର ଆସିବେନି । ତାଙ୍କ ସ୍ଥାନରେ କିଏ ନଜର ଆସିବ ସେନେଇ ଚର୍ଚ୍ଚା ଜୋର ଧରିଛି ।
ହେଲେ ଏବେ ମେକର୍ସଙ୍କୁ ମିଳିଛନ୍ତି ନୂଆ ଦୟାବେନ । ଧାରାବାହିକ 'ବଡେ ଅଚ୍ଛେ ଲଗତେ ହେଁ' ଫେମ ଆକ୍ଟ୍ରେସ ବିଭୂତି ଶର୍ମାଙ୍କୁ ଦେଖିବାକୁ ପାଇବେ ଦର୍ଶକ । ପ୍ରକାଶ ଥାଉକି 'ବଡେ ଅଚ୍ଛେ ଲଗତେ ହେଁ' ଏବଂ 'ହମନେ ଲି ଶପଥ' ଭଳି ଧାରାବାହିକ କରିସାରିଥିବା ବିଭୂତି, ଦୟାବେନ ରୋଲ ପାଇଁ ସ୍କ୍ରିନ ଟେଷ୍ଟ ମଧ୍ୟ ଦେଇସାରିଛନ୍ତି । ଏହି ସ୍କ୍ରିନ ଟେଷ୍ଟରେ ବିଭୂତି ଦୟାବେନଙ୍କ ଅଭିନୟ ଭଲ ସେ କରି ମେକର୍ସକୁ ଇମ୍ପପ୍ରେସ କରିଛନ୍ତି ।
ଏହାପୂର୍ବରୁ ଦୟାବେନ ଭୂମିକା ପାଇଁ 'ପାପଡ ପୋଲ' ଅଭିନେତ୍ରୀ ଅମୀ ତ୍ରିବେଦୀଙ୍କୁ ଆପ୍ରୋଚ କରିଥିଲେ ମେକର୍ସ ବୋଲି ଶୁଣିବାକୁ ମିଳୁଥିଲା । କିନ୍ତୁ ଅଭିନେତ୍ରୀ ଓ ମେକର୍ସ ଏହି କଥାକୁ ଖଣ୍ଡନ କରିଥିଲେ ।
