ମୁମ୍ବାଇ: ରିୟାଲିଟି ଶୋ ବିଗ ବସର ଫେମସ ପ୍ରତିଯୋଗୀ ସିଦ୍ଧାର୍ଥ ଶୁକ୍ଲା ଓ ରଶ୍ମି ଦେସାଇଙ୍କୁ ଖୁବ୍ ପସନ୍ଦ କରୁଛନ୍ତି ଦର୍ଶକ । ଦୁଇଜଣଙ୍କ ଫ୍ୟାନ ଫଲୋଇଂ ଜବରଦସ୍ତ । ହେଲେ ବିଗ ବସ ହାଉସରେ ଦର୍ଶକ ତାଙ୍କ କେମେଷ୍ଟ୍ରି ଅପେକ୍ଷା ଅଧିକ ନଫରତ ଦେଖିଛନ୍ତି । ଶୋରେ ଦୁଇଜଣଙ୍କ ମଧ୍ୟରେ ହାଇଭୋଲ୍ଟେଜ ଡ୍ରାମା ପ୍ରାୟତଃ ଦେଖିବାକୁ ମିଳିସାରିଛି । ହେଲେ ଏବେ ଧିରେ ଧିରେ ଦୁଇଜଣଙ୍କ ସମ୍ପର୍କରେ ପରିବର୍ତ୍ତନ ହେବାରେ ଲାଗିଛି । ରଶ୍ମି ଓ ସିଦ୍ଧାର୍ଥ ପରସ୍ପର ସହ ବର୍ତ୍ତମାନ ଭଲରେ କଥାବାର୍ତ୍ତା ହେଉଛନ୍ତି ।
ଅପକମିଂ ଏପିସୋଡରେ ସିଦ୍ଧାର୍ଥ ଓ ରଶ୍ମି ଫ୍ୟାନ୍ସଙ୍କ ମଜାଦାର ପ୍ରଶ୍ନର ଉତ୍ତର ଦେବାକୁ ଯାଉଛନ୍ତି । ଯାହାର ପ୍ରୋମୋ ଭିଡିଓରେ ଏହି ଯୋଡି ଗାର୍ଡନ ଏରିୟାରେ ପରସ୍ପର ସହ କଥାବାର୍ତ୍ତା ହେଉଥିବାର ଦେଖାଯାଉଛନ୍ତି । ଭିଡିଓରେ ରଶ୍ମି ଏହା କହୁଥିବାର ନଜର ଆସୁଛନ୍ତି ଯେ ତାଙ୍କ ମସ୍ତିଷ୍କରେ ଅନେକ କଥା ଆସୁଛି । ତାଙ୍କର ଏପରି କଥା ଶୁଣି ସିଦ୍ଧାର୍ଥ ପ୍ରଥମେ ଆଶ୍ଚର୍ଯ୍ୟ ହୋଇଯାଉଛନ୍ତି । ସେ ପରେ ରଶ୍ମିଙ୍କୁ ପ୍ରଶ୍ନ କରୁଛନ୍ତି ତୁମ ମସ୍ତିଷ୍କରେ କଣ ଚାଲୁଛି ।
ଯାହାର ଜବାବରେ ରଶ୍ମି କହୁଛନ୍ତି ତୁମେ ଏବେ ଭଲ ରହୁଛ । ତାଙ୍କର ଧ୍ୟାନ ବି ରଖୁଛ । 10 ଥର କିଛି ଜିନିଷ ପାଇଁ ପଚାରୁଛ । ଯାହା ତାଙ୍କୁ ଆଦୌ ଭିନ୍ନ ଲାଗୁଛି । ଆପଣ ମଧ୍ୟ ଦେଖନ୍ତୁ ଏହି ଭିଡିଓ...
ଏବେ ଦେଖିବା ବାକି ରହିଲା ରଶ୍ମି ଓ ସିଦ୍ଧାର୍ଥ ବିଗ ବସ ହାଉସରେ ଭଲ ବନ୍ଧୁ ସାଜୁଛନ୍ତି ନାଁ ପୂର୍ବ ପରି ପୁଣି ଝଗଡା କରୁଛନ୍ତି । ପ୍ରକାଶ ଥାଉକି ଏଥର ‘ୱିକେଣ୍ଡ କା ୱାର’ ଏପିସୋଡରେ ବିଗ ବସ ହାଉସରୁ ଆଉଟ ହୋଇଯାଇଛନ୍ତି ଶେଫାଳି ଜରିୱାଲା । ଘରୁ ବାହାରିବା ପରେ ସେ ପ୍ରତିଯୋଗୀ ଆସୀମ ରିୟାଜଙ୍କ ବିଷୟରେ ଏକ ସାକ୍ଷାତକାରରେ ଅନେକ କଥା କହିଛନ୍ତି ।
