ମୁମ୍ବାଇ: ଟେଲିଭିଜନ ଦୁନିଆର ପପୁଲାର ଭାବିଜୀଙ୍କୁ କିଏ ବା ଜାଣେ । 'ବିଗ ବସ'ରେ ରାଜ କରିବା ପରେ ଦର୍ଶକ ତାଙ୍କୁ ଫିଲ୍ମରେ ଦେଖିବାକୁ ଚାହୁଁଥିବାବେଳେ ସମସ୍ତଙ୍କୁ ଆଚମ୍ବିତ କରି କଂଗ୍ରେସରେ ଯୋଗଦେଇ ରାଜନୀତିରେ ପାଦ ରଖିଛନ୍ତି ଶିଳ୍ପା ସିନ୍ଧେ ।
ପ୍ରକାଶ ଥାଉକି, ଶିଳ୍ପା ଗତକାଲି ଗୋଟିଏ କାର୍ଯ୍ୟକ୍ରମରେ ଯୋଗ ଦେଇ କଂଗ୍ରେସରେ ଯୋଗ ଦେବା କଥା ଘୋଷଣା କରିଛନ୍ତି । କାର୍ଯ୍ୟକ୍ରମରେ ମହାରାଷ୍ଟ୍ର ଅଧକ୍ଷ ସଞ୍ଜୟ ନିରୁପମ ଓ ଚରଣ ସିଂହ ସପରା ଉପସ୍ଥିତ ରହି ଶିଳ୍ପାଙ୍କୁ ଶୁଭେଚ୍ଛା ଜଣାଇ ସ୍ବାଗତ କରିଥିଲେ ।
ବିଗ ବସ ସମୟରେ ଶିଳ୍ପାଙ୍କୁ ଦର୍ଶକଙ୍କଠାରୁ ଢେର ଭଲପାଇବା ମିଳିଥିଲା ଏବେ ଦେଖାଯାଉ ଶିଳ୍ପାଙ୍କ ଏହି ଲୋକପ୍ରିୟତା କଂଗ୍ରେସକୁ କିପରି ସାହାଯ୍ୟ କରୁଛି । ପ୍ରକାଶ ଥାଉକି, ଶିଳ୍ପା 1999ରେ ଟେଲିଭିଜନ ଜଗତରେ ଯୋଗ ଦେଇଥିଲେ । ହେଲେ 'ଭାବିଜୀ ଘର ପର ହୈ'ରେ ଅଙ୍ଗୁରୀ ଭାବିଙ୍କ ଭୂମିକା ଆଣିଦେଇଥିଲା ଶିଳ୍ପାଙ୍କୁ ଢେରସାରା ସଫଳତା । କିନ୍ତୁ କୌଣସି କାରଣବଶତଃ ଶିଳ୍ପା 2016ରେ ଏହି ଶୋ' ଛାଡି ବିଗ ବସରେ ଭାଗ ନେଇଥିଲେ ।
