ମୁମ୍ବାଇ: କୋଭିଡ-19 ମହାମାରୀ 2019ରେ ବିଶ୍ବରେ ପ୍ରବେଶ କରିଥିଲା । ଏହି ଭାଇରସ କେବଳ ସାଧାରଣ ଲୋକଙ୍କୁ ପ୍ରଭାବିତ କରିନାହିଁ ବରଂ ସେଲିବ୍ରିଟି ମଧ୍ୟ ଏଥିରୁ ରକ୍ଷା ପାଇ ନାହାଁନ୍ତି । କୋରୋନା ଅନେକ ବଡ ସେଲିବ୍ରିଟିଙ୍କୁ ସଂକ୍ରମିତ କରିସାରିଛି । ଆଉ ଏହି ତାଲିକାରେ ଏବେ ସାମିଲ ହୋଇଛନ୍ତି ଅଭିନେତା ତଥା ‘ବିଗବସ 8’ର ବିଜେତା ଗୌତମ ଗୁଲାଟି । ବର୍ତ୍ତମାନ ଲଣ୍ଡନରେ ଅଛନ୍ତି ଅଭିନେତା । ଆଉ ସେଠାରେ ହିଁ ତାଙ୍କ କୋରୋନା ଟେଷ୍ଟ ରିପୋର୍ଟ ପଜିଟିଭ ଆସିଛି ।
- " class="align-text-top noRightClick twitterSection" data="
">
ଫ୍ୟାନ୍ସଙ୍କୁ ସୂଚନା ଦେବାକୁ ଯାଉ ଇନଷ୍ଟାଗ୍ରାମରେ ସେ ଏକ ପୋଷ୍ଟରେ କୋରୋନା ସଂକ୍ରମିତ ହେବା କଥା ଜଣାଇଛନ୍ତି । ଆଉ ଫଟୋରେ ଝରକା ପାଖରେ ତାଙ୍କ ହାତ ଦେଖିବାକୁ ମିଳୁଛି । ଯାହାର କ୍ୟାପସନରେ ସେ ଲେଖିଛନ୍ତି, ‘କୋଭିଡ-19 ବ୍ୟକ୍ତି ।’
ତାଙ୍କ ଏହି ପୋଷ୍ଟ ଭାଇରାଲ ହେବା ପରେ ଫ୍ୟାନ୍ସଙ୍କଠୁ ନେଇ ସେଲିବ୍ରିଟି ଫ୍ରେଣ୍ଡ ମଧ୍ୟ ସୋସିଆଲ ମିଡିଆରେ ତାଙ୍କ ସୁସ୍ଥ ହେବା କାମନା କରୁଛନ୍ତି । ପ୍ରକାଶ ଥାଉକି ଶେଷଥର ଗୌତମଙ୍କୁ ନିକଟରେ ଆସିଥିବା ଇମୋଶନାଲ ମ୍ୟୁଜିକ ଭିଡିଓ ‘ବେସରମ ବେୱଫା’ରେ ଦେଖିବାକୁ ମିଳିଥିଲା । ତାଙ୍କ ସହ ଏଥିରେ ଅଭିନୟ କରିଥିଲେ ଅଭିନେତ୍ରୀ ଦିବ୍ୟା ଖୋସଲା କୁମାର । ସେହିପରି ଗୀତଟି ଚାର୍ଟବଷ୍ଟର ସାବ୍ୟସ୍ତ ହୋଇଛି ।
