ମୁମ୍ବାଇ: ଏକତା କପୁରଙ୍କ ଲୋକପ୍ରିୟ ଧାରାବାହିକ ‘କସୌଟି ଜିନ୍ଦେଙ୍ଗୀ କି’ରେ ଅନୁରାଗ ବାସୁଙ୍କ ଭୂମିକାରେ ଅଭିନୟ କରି ଘରେ ଘରେ ପୁପୁଲାର ହୋଇଥିବା ଅଭିନେତା ସିଜେନ ଖାନଙ୍କୁ ନେଇ ସାମ୍ନାକୁ ଆସିଛି ଗୁଡନ୍ୟୁଜ । କାରଣ ତାଙ୍କ ଘରେ ବାଜିବାକୁ ଯାଉଛି ସାହାନାଇ । ବିବାହ ବନ୍ଧନରେ ଆବଦ୍ଧ ହେବେ ଅଭିନେତା । 43 ବର୍ଷରେ ବିବାହ କରିବାକୁ ନେଇ ବର୍ତ୍ତମାନ ଚର୍ଚ୍ଚାରେ ସେ ।
ଶୁଣିବାକୁ ମିଳୁଛି ଯେ ସେ ନିଜ ଦୀର୍ଘ ସମୟର ଗାର୍ଲଫ୍ରେଣ୍ଡଙ୍କ ସହ ବିବାହ କରିବେ । ଏହି ଯୋଡି ଗତ ତିନି ବର୍ଷରୁ ପରସ୍ପରକୁ ଡେଟ୍ କରିଆସୁଛନ୍ତି । ସିଜେନଙ୍କ ଗାର୍ଲଫ୍ରେଣ୍ଡ ଉତ୍ତରପ୍ରଦେଶର ଆମ୍ରୋହା ଜିଲ୍ଲାର । ହେଲେ ସେ ଏଯାବତ ଗାର୍ଲଫ୍ରେଣ୍ଡଙ୍କ ନାମ ପ୍ରକାଶ କରିନାହାଁନ୍ତି । କାରଣ ନିଜ ବ୍ୟକ୍ତିଗତ ଜିନିଷ ସର୍ବସାଧାରଣରେ ପ୍ରକାଶ କରିବାକୁ ଭଲ ପାଆନ୍ତିନି ସିଜେନ ।
ପ୍ରକାଶ ଥାଉକି ସିଜେନ ଓ ତାଙ୍କ ଗାର୍ଲଫ୍ରେଣ୍ଡ ସାକ୍ଷାତ ଜଣେ କମନ ଫ୍ରେଣ୍ଡ ଜରିଆରେ ହୋଇଥିଲା । ଗତ ବର୍ଷ ଡିସେମ୍ବରେ ବିବାହ କରିଥାଆନ୍ତେ ଏହି ଯୋଡି ହେଲେ କୋରୋନା ସଙ୍କଟ ପାଇଁ ଏବର୍ଷ ବିବାହ କରିବାକୁ ନିଷ୍ପତ୍ତି ନେଇଛନ୍ତି । ସେହିପରି ଯଦି କଥା ହେବା ‘କସୌଟି ଜିନ୍ଦେଙ୍ଗୀ କି’ ବିଷୟରେ ତେବେ 2001ରେ ଲୋକପ୍ରିୟ ଧାରାବାବିକ ମଧ୍ୟରେ ଏହା ଅନ୍ୟତମ ଥିଲା । ଅନୁରାଗ ଓ ପ୍ରେରଣାଙ୍କ ଯୋଡି ଖୁବ୍ ପସନ୍ଦ କରିଥିଲେ ଦର୍ଶକ । ସେହି ସମୟରେ ପ୍ରେରଣା ଭୂମିକାରେ ଅଭିନୟ କରିଥିବା ଶ୍ବେତା ତିୱାରୀଙ୍କ ସହ ମଧ୍ୟ ଅନୁରାଗଙ୍କ ରିଲେସନଶିପ ଚର୍ଚ୍ଚାର ବିଷୟ ପାଲଟିଥିଲା ।
