ମୁମ୍ବାଇ: ରିୟାଲିଟି ଶୋ ବିଗ ବସ 13ରେ ଏବେ ଡ୍ରାମା ଓ ଇମୋଶନ୍ସର ଡବଲ ଡୋଜ ଦେଖିବାକୁ ମିଳୁଛି। ଫ୍ୟାମିଲି ୱିକ ପରେ ଏବେ ‘ୱିକେଣ୍ଡ କା ୱାର’ ଏପିସୋଡରେ ଜଣେ ପ୍ରତିଯୋଗୀଙ୍କ ଯାତ୍ରା ଶେଷ ହେବାକୁ ଯାଉଛି। ବର୍ତ୍ତମାନ ଚର୍ଚ୍ଚା ଜୋର ଧରିଛି ଯେ ୱାଇଲ୍ଡ କାର୍ଡରେ ଏଣ୍ଟ୍ରି କରିଥିବା ଅଭିନେତ୍ରୀ ମଧୁରୀମା ତୁଲୀ ଶୋରୁ ଏଲିମିନେଟ ହୋଇପାରନ୍ତି।
ତାଙ୍କୁ ଏଥର ସବୁଠୁ କମ ଭୋଟ ମିଳିଛି । ଯାହାପାଇଁ ଶୋରେ ତାଙ୍କ ଯାତ୍ରା ଶେଷ ହୋଇଛି । କିଛି ଦିନରୁ ସେ ଡେଞ୍ଜର ଜୋନରେ ଆସିଯାଇଥିଲେ । ଆଉ ନିଜ ଏକ୍ସ ବୟଫ୍ରେଣ୍ଡ ତଥା ବିଗ ବସ ପ୍ରତିଯୋଗୀ ବିଶାଲ ଆଦିତ୍ୟ ସିଂଙ୍କୁ ଫ୍ରାଇ ପ୍ୟାନରେ ପିଟିବା ପରଠୁ ସେ ସମସ୍ତଙ୍କ ସମାଲୋଚନାର ଶିକାର ହୋଇଛନ୍ତି।
ଏହି ମାମଲା ପରଠୁ ଖବର ଜୋର ଧରିଛି ଯେ ଏହି ସପ୍ତାହରେ ସେ ଶୋରୁ ବାହାରି ବୋଲି । ଏହି କାରଣ ପାଇଁ ଶୋରୁ ମଧୁରୀମା ଆଉଟ ହେବା ଫ୍ୟାନ୍ସଙ୍କ ପାଇଁ ଅଧିକା ଆଶ୍ଚର୍ଯ୍ୟକର କଥା ନୁହେଁ । ବିଶାଲଙ୍କ ସହ ହିଂସା କରିବା ମାମଲାରେ ଶୋର ହୋଷ୍ଟ ସଲମାନ ଖାନ ତାଙ୍କର ଖୁବ୍ କ୍ଲାସ ନେବେ । ଏବେ ଦେଖିବା ବାକି ରହିଲା ଯେ ୱିକେଣ୍ଡ କା ୱାରରେ ମଧୁରୀମାଙ୍କ ଯାତ୍ରା ଶେଷ ହେଉଛି କି ନାହିଁ ।
