ମୁମ୍ବାଇ: ସବୁବେଳେ ନିଜ ବିବାଦୀୟ ବୟାନ ଜରିଆରେ ବଲିଉଡ ସେଲିବ୍ରିଟିଙ୍କୁ ଟାର୍ଗେଟ କରୁଥିବା କମାଲ ଆର ଖାନ ତଥା କେଆରକେଙ୍କୁ ନେଇ ଏକ ନୂଆ ଖବର ସାମ୍ନାକୁ ଆସିଛି । ଯାହାକୁ ନେଇ ସମସ୍ତେ ଆଶ୍ଚର୍ଯ୍ୟ । କାରଣ ସବୁବେଳେ ସେଲିବ୍ରିଟିଙ୍କୁ ଟାର୍ଗେଟ କରୁଥିବା କେଆରକେ ଏଥର ଜଣେ ଅଭିନେତ୍ରୀଙ୍କ ପ୍ରଶଂସା କରୁଥିବାର ନଜର ଆସୁଛନ୍ତି । ଆଜ୍ଞା ହଁ, ସେ ଛୋଟ ପରଦାର ଅଭିନେତ୍ରୀ ଦେବଲୀନା ଭଟ୍ଟାଚାର୍ଯ୍ୟାଙ୍କ ପ୍ରଶଂସା କରିଛନ୍ତି ।
- " class="align-text-top noRightClick twitterSection" data="
">
କଥାଟି ହେଲା ହେଲା ଯେ ନିକଟରେ ଦେବଲୀନା ନିଜର ଏକ ଡ୍ୟାନ୍ସ ଭିଡିଓ ଇନଷ୍ଟାଗ୍ରାମରେ ସେୟାର କରିଥିଲେ । ସେପଟେ ତାଙ୍କ ଏହି ଡ୍ୟାନ୍ସ ଦେଖି ଫିଦା ହୋଇପଡିଛନ୍ତି କେଆରକେ । ଆଉ କମେଣ୍ଟ କରି ଲେଖିଛନ୍ତି, ‘ହିଟ୍ ହିଟ୍ ।’ ଏବେ ଦେବଲୀନାଙ୍କ ଏହି ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି ।
ପ୍ରକାଶ ଥାଉକି କେଆରକେ ନିକଟରେ ସୁପରଷ୍ଟାର ସଲମାନ ଖାନଙ୍କ ଫିଲ୍ମ ‘ରାଧେ’ ଉପରେ ବିବାଦୀୟ ପ୍ରତିକ୍ରିୟା ଦେଇ ଚର୍ଚ୍ଚାରେ ଆସିଥିଲେ । ଯାହାକୁ ଆଧାର କରି ସଲମାନ ତାଙ୍କ ଉପରେ ମାନହାନି ମକଦ୍ଦମା ଦାୟର କରିଥିଲେ । ସେହିପରି କିଛି ଦିନ ପୂର୍ବରୁ ମୁମ୍ବାଇର ଏକ କୋର୍ଟରେ ଏହି ମାମଲାର ଶୁଣାଣି କରି କେଆରକେଙ୍କୁ ନିର୍ଦ୍ଦେଶ ଦେଇଛନ୍ତି ଯେ ସେ ଭବିଷ୍ୟତରେ କେବେ ମଧ୍ୟ ସଲମାନଙ୍କ ଫିଲ୍ମ କିମ୍ବା ତାଙ୍କ ବିଜନେସ ଓ ତାଙ୍କ ସଂସ୍ଥା ଉପରେ କୌଣସି ବିବାଦୀୟ ଟିପ୍ପଣୀ କରିବେ ନାହିଁ ।
