ମୁମ୍ବାଇ: ‘ଦ କପିଲ ଶର୍ମା’ ହୋଷ୍ଟ ତଥା ଟିଭିର କମେଡି କିଙ୍ଗ କପିଲ ଶର୍ମା ନିଜ ଦମଦାର ଅନ୍ଦାଜ ଜରିଆରେ ଦର୍ଶକଙ୍କ ହୃଦୟରେ ସବୁବେଳେ ରାଜ କରନ୍ତି । କପିଲ ଓ ତାଙ୍କ ଟିମ ସବୁବେଳେ କମେଡି ଜରିଆରେ ସମସ୍ତଙ୍କୁ ବେଶ ହସାଇଥାନ୍ତି । ଟିମର ସମସ୍ତ ହାସ୍ୟ ଅଭିନେତା ଫ୍ୟାନ ଫଲୋଇଂ ମଧ୍ୟ ଆକାଶ ଛୁଆଁ । ହେଲେ ଦର୍ଶକଙ୍କୁ ଏହା ଜଣାନାହିଁ ଯେ ସେମାନଙ୍କୁ ହସାଇବା ପାଇଁ ଏହି ଟିମ ଫିସ୍ ବାବଦେ ନେଉଛନ୍ତି ମୋଟା ଅଙ୍କ । ତେବେ ଆସନ୍ତୁ ନଜର ପକାଇବା ପୁରା ଟିମର ଫିସ୍ ଉପରେ...
କପିଲ, କିକୁ ଶାରଦା, ଭାରତୀ ସିଂ, ଚନ୍ଦନ, ସୁମୋନା, କୃଷ୍ଣ ଅଭିଷେକ ଏବଂ ଅର୍ଚ୍ଚନା ପୂରାନ ସିଂ ସେମାନଙ୍କ ଭୂମିକା ଏବଂ ପରଦା ପୁନଃ ନିର୍ମାଣ ଅନୁଯାୟୀ ଏକ ଏପିସୋଡ ପାଇଁ ମୋଟା ଅଙ୍କ ନେଉଛନ୍ତି ।
କପିଲ ପ୍ରଥମ ସିଜନରେ ସବୁ ୱିକେଣ୍ଡ ଏପିସୋଡରେ 60ରୁ 70 ଲକ୍ଷ ଟଙ୍କା ନେଉଥିଲେ । ହେଲେ ଏବେ ସେ ଏପିସୋଡ ପିଛା 1 କୋଟି ଟଙ୍କା ନେଉଛନ୍ତି । ବଢୁଥିବା ପପୁଲାରିଟି ସହ ତାଙ୍କ ଫିସ୍ ମଧ୍ୟ 30 ପ୍ରତିଶତ ବଢିଛି ।
ଶୋରେ ସପନା ଭୂମିକାରେ ଅଭିନୟ କରୁଥିବା କୃଷ୍ଣ ଅଭିଷେକ ପ୍ରତି ସପ୍ତାହରେ ଏପିସୋଡ୍ ପାଇଁ 10ରୁ12 ଲକ୍ଷ ଚାର୍ଜ କରନ୍ତି । ତିତଲୀ ଯାଦବ ଭୂମିକାରେ ଅଭିନୟ କରୁଥିବା ଭାରତୀ ମଧ୍ୟ ଏହି ଶୋରେ 10ରୁ12 ଲକ୍ଷ ଟଙ୍କା ଆଦାୟ କରୁଛନ୍ତି । ଏହା ବ୍ୟତୀତ କପିଲଙ୍କ ପିଲାଦିନର ବନ୍ଧୁ ତଥା ଶୋରେ ଚା ବାଲା ଚନ୍ଦୁ ଭୂମିକାରେ ଅଭିନୟ କରୁଥିବା ଚନ୍ଦନ ପ୍ରଭାକର ସପ୍ତାହ ଶେଷ ଭାଗ ପାଇଁ 7 ଲକ୍ଷ ଟଙ୍କା ନିଅନ୍ତି ।
ସେହିପରି କିକୁ 5ରୁ7 ଲକ୍ଷ ନେଉଥିବା ବେଳେ ସୁମୋନା 6ରୁ7 ଏବଂ ଅର୍ଚ୍ଚନା ପୂରନ 10 ଲକ୍ଷ ଟଙ୍କା ନେଉଛନ୍ତି ।
