ମୁମ୍ବାଇ: ସଲମାନ ଖାନଙ୍କ ବିବାଦୀୟ ରିୟାଲିଟି ଶୋ ବିଗ ବସ ସିଜନ 13 ହାଉସରେ ଅନେକ ବିବାଦ ଦେଖିବାକୁ ମିଳୁଛି । ଯାହାକୁ ନେଇ ଶୋର ଟିଆରପି ବଢିଚାଲିବା ସହ ସଲମାନଙ୍କ ରାଗ ମଧ୍ୟ । ୱିକେଣ୍ଡ ୱାରରେ ସଲମାନ ସବୁ ପ୍ରତିଯୋଗୀଙ୍କ କ୍ଲାସ ନେଉଥିବାର ନଜର ଆସୁଛନ୍ତି ।
ପୁଣି ବଗ ବସ ଘରେ ଝଗଡାର ତଡକା ଲଗାଇବା ପାଇଁ ମେକର୍ସ ନିକଟରେ ବିଗ ବସ ହାଉସରେ ତିନି ପ୍ରଯୋଗୀଙ୍କ ୱାଲ୍ଡ କାର୍ଡ ଏଣ୍ଟ୍ରି କରାଇଥିଲେ । ଏବେ ଲାଗୁଛି ଯେ ବିଗ ବସ ହାଉସରେ ୱାଲ୍ଡ କାର୍ଡ ଏଣ୍ଟ୍ରିରେ ପ୍ରତିଯୋଗୀଙ୍କୁ ଆଣିବାରେ ବ୍ୟସ୍ତ ମେକର୍ସ । କାରଣ ଏହି ତିନ ପ୍ରତିଯୋଗୀଙ୍କ ବ୍ୟତୀତ ଏବେ ଶୋରେ ଆଉ ଜଣେ ପ୍ରତିଯୋଗୀଙ୍କୁ ଦେଖିବାକୁ ମିଳିବ । ଆଜ୍ଞା ହଁ, ଏଥର ଶୋରେ ୱାଲ୍ଡ କାର୍ଡ ଏଣ୍ଟ୍ରି କରିବେ କାଣ୍ଟା ଲଗା ଗାର୍ଲ ଶେଫାଳି ଜରିୱାଲା ।
ବର୍ତ୍ତମାନ ଏହି ଖବରକୁ ନେଇ ଚର୍ଚ୍ଚା ଜୋର ଧରିଛି । କିନ୍ତୁ ଏଯାବତ ଏହାର ଅଧିକାରୀକ ଘୋଷଣା ହୋଇନାହିଁ । ଯଦି ଶୋରେ ଶେଫାଳି ନଜର ଆସୁଛନ୍ତି, ତେବେ ନିଜ ଦମଦାର ଅନ୍ଦାଜରେ ସେ ବିଗ ବସର ଟିଆରପି ଆହୁରି ବଢାଇଦେବେ ବୋଲି ଆଶା କରୁଛନ୍ତି ମେକର୍ସ।
