ଭୁବନେଶ୍ବର: ନୃତ୍ୟାର୍ଚ୍ଚନା ଅନୁଷ୍ଠାନ ପକ୍ଷରୁ ସ୍ଥାନୀୟ ରବିନ୍ଦ୍ରମଣ୍ଡପରେ ଆୟୋଜିତ ହୋଇଛି ନୃତ୍ୟ ଉତ୍ସବ । ଏହି ଉତ୍ସବରେ ନୃତ୍ୟାର୍ଚ୍ଚନାର କଳାକାର ମାନଙ୍କ ଦ୍ବାରା ନୃତ୍ୟ ପରିବେଷଣ କରାଯାଇଥିଲା । ଚମତ୍କାର ଭାବଭଙ୍ଗୀ ସହ ଦର୍ଶକଙ୍କ ମନ ଜିଣିପାରିଥିଲେ ନୃତ୍ୟଶିଳ୍ପୀ ମାନେ ।
ଉତ୍ସବରେ ପ୍ରସିଦ୍ଧ ମାର୍ଦଳ ବାଦକ ଧନେଶ୍ବର ସ୍ବାଇଁଙ୍କୁ ଦେବୀପ୍ରସାଦ ଦାସ ସମ୍ମାନରେ ସମ୍ମାନିତ କରାଯାଇଥିବା ବେଳେ ମନୋରଞ୍ଜନ ପ୍ରଧାନ, ମିନତୀ ପ୍ରଧାନ, ସୋନାଲି ମହାପାତ୍ର, ଲିମା ଦାସ ଓ ସଂଗୀତା ଆଇଚ ଭୌମିକଙ୍କୁ ନୃତ୍ୟାର୍ଚ୍ଚନା ସମ୍ମାନରେ ସମ୍ମାନିତ କରାଯାଇଛି ।
ସମ୍ପାଦକ ସୁରେଶ କୁମାର ଖୁଣ୍ଟିଆଙ୍କ ତତ୍ତ୍ବାବଧାନରେ କାର୍ଯ୍ୟକ୍ରମ ଆୟୋଜିତ ହୋଇଥିବା ବେଳେ କାର୍ଯ୍ୟକ୍ରମର ସଂଯୋଜନା କରିଥିଲେ ଡ଼ଃ ମୃତ୍ୟୁଞ୍ଜୟ ରଥ ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ