ହାଇଦ୍ରାବାଦ: ଜୋନସ ବ୍ରଦର୍ସଙ୍କ ନୂଆ ଡକ୍ୟୁମେଣ୍ଟାରୀ ଜୁନ 4ରେ ଆମାଜନ ପ୍ରାଇମରେ ବିଶ୍ବବ୍ୟାପୀ ରିଲିଜ କରାଯିବ । ଏହି ଡକ୍ୟୁମେଣ୍ଟାରୀରେ ଜୋନସ ବ୍ରଦର୍ସଙ୍କ ଅନସିନ ଫୁଟେଜ ଦେଖିବାକୁ ମିଳିବ । ନିକ, ଜୋୟ, କେଭିନଙ୍କ ପିଲାବେଳୁ ଏ ପର୍ଯ୍ୟନ୍ତର ଯାତ୍ରା ଦେଖିବାକୁ ମିଳିବ ଡକ୍ୟୁମେଣ୍ଟାରୀରେ ।
ତେବେ ଏଇ ଡକୁମେଣ୍ଟାରୀର ସମସ୍ତ ଶ୍ରେୟ ନିକଙ୍କ ପତ୍ନୀ ପ୍ରିୟଙ୍କା ଚୋପ୍ରାଙ୍କୁ ଦେଇଛନ୍ତି ଆମାଜନ ପ୍ରାଇମର ମୁଖ୍ୟ ଜେନିଫର ସ୍ଲେକ । ପ୍ରିୟଙ୍କା ପ୍ରଥମେ ଡକ୍ୟୁମେଣ୍ଟାରୀ ଭିଡିଓ ଜେନିଫରଙ୍କୁ ପଠେଇଥିଲେ । ଏହା ଜେନିଫରଙ୍କୁ ଖୁବ ପସନ୍ଦ ଆସିଥିଲା । ତେବେ ଜେନିଫର କହିଥିଲେ, 'ନିକ ଜୋନସଙ୍କୁ ମୋ ସହ ପରିଚିତ କରେଇଥିବାରୁ ମୁଁ ପ୍ରିୟଙ୍କାଙ୍କୁ ଧନ୍ୟବାଦ ଦେବି' । ଡକ୍ୟୁମେଣ୍ଟାରୀକୁ ଦର୍ଶକ ଖୁବ ପସନ୍ଦ କରିବେ ବୋଲି କହିଛନ୍ତି ଆମାଜୋନର ମୁଖ୍ୟ ।
ତେବେ ଜୋନସ ବ୍ରଦର୍ସ ଆଗରୁ ଦୁଇଟି ହିଟ ଆଲବମ ଦର୍ଶକଙ୍କୁ ଭେଟି ଦେଇଛନ୍ତି । 2009ରେ ଜୋନାସ ବ୍ରଦର୍ସଙ୍କ ପ୍ରଥମ ଆଲବମ ଭିଡିଓ ରିଲିଜ ହୋଇଥିଲା । ପରେ 2013ରେ ସେମାନେ ଅଲଗା ହୋଇଯାଇଥିଲେ । ତେବେ ଆଗାମୀ ଭିଡିଓରେ ତାଙ୍କ ଅଲଗା ହେବାର କାହାଣୀ ମଧ୍ୟ ରହିଛି ।
