ମୁମ୍ବାଇ: ବିଗ ବସ୍-୧୫ର ୱିକେଣ୍ଡ କା ବାର୍(Weekend Ka Vaar episode of Bigg Boss 15)ରେ ସଲମାନ ପ୍ରତିଯୋଗୀଙ୍କ କ୍ଲାସ ନେଉଥିବା ଦେଖିବାକୁ ମିଳିଛି । ହାଉସ୍ ମଧ୍ୟରେ କିଛି ପୁରୁଷ ପ୍ରତିଯୋଗୀ ମହିଳାଙ୍କୁ ଅସମ୍ମାନ କରିବା ସହିତ ରିଲେସନସିପରେ ଆପୋଷ ବିଶ୍ବାସକୁ ଭଙ୍ଗ କରୁଥିବାରୁ ସଲମାନ ସେମାନଙ୍କ ଉପରେ ବର୍ଷିଥିବା ନଜର ଆସିଛି ।
- " class="align-text-top noRightClick twitterSection" data="
">
ବିଗ ବସ-୧୫ର ନିକଟ ଏପିସୋଡ଼ରେ ତେଜସ୍ବୀ ପ୍ରକାଶ ଓ କରନ କୁନ୍ଦ୍ରା ପରସ୍ପର ମଧ୍ୟରେ ଯୁକ୍ତିତର୍କ କରୁଥିବା ନଜର ଆସିଛନ୍ତି । ବିଶାଲ କୋଟିଆନଙ୍କୁ ନେଇ ଆଲୋଚନା ସମୟରେ ଏହି ପ୍ରେମୀ ଯୁଗଳଙ୍କ ମଧ୍ୟରେ ହୋଇଛି ଲଢେଇ । ତେଜସ୍ବୀ ବିଶାଲଙ୍କ ଗେମ ପ୍ଲାନ ପୂର୍ବରୁ ଜଣାଥିବାବେଳେ ସେମାନଙ୍କୁ କାହିଁକି ଜଣେଇନଥିଲେ ବୋଲି ପ୍ରଶ୍ନ କରି ଅନ୍ୟ ପ୍ରତିଯୋଗୀ ରାଜୀବ ଅଦାତିଆ କରନଙ୍କ ସହିତ ମିଶି ତେଜସ୍ବୀଙ୍କ ଉପରେ ଅଭିମାନ କରିଥିଲେ ।
କିନ୍ତୁ ତେଜସ୍ବୀ ନିଜ ପକ୍ଷ ରଖି ଏହା ନ କରିବାର କାରଣ ସମ୍ପର୍କରେ କରନଙ୍କୁ ବୁଝାଇଥିଲେ । କିନ୍ତୁ କରନ ତେଜସ୍ବୀଙ୍କ ଉପରେ ରାଗିଥିବା ଦେଖିବାକୁ ମିଳିଥିଲା । ଏହାପରେ ତେଜସ୍ବୀ ଭାଙ୍ଗିଯାଇ ପୁଲ୍କୁ ଡେଇଁଥିବା ନଜର ଆସିଛି । ସେ ରାତିସାରା ପୁଲ୍ରେ ପହଁରୁଥିବା ନଜର ଆସିଛନ୍ତି । ଅନ୍ୟପଟେ ରାଜୀବ ଓ ଶମିତା ଏବଂ ଉମର ଓ ରଶ୍ମି ମଧ୍ୟ ପରସ୍ପର ସହିତ ଝଗଡ଼ା କରୁଥିବା ଦେଖିବାକୁ ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
