ମୁମ୍ବାଇ: ଚର୍ଚ୍ଚାରେ ଛୋଟ ପରଦାର ରିୟାଲିଟି ଶୋ ବିଗ ବସ 13 । ଏହା ଏମିତି ଏକ ଶୋ ଯେଉଁଠାରେ ପ୍ରତିଯୋଗୀଙ୍କୁ ଲାଗିଥାଏ ଯେ କେବଳ ଲଢେଇ, ଝଗଡା ଏବଂ ପ୍ରେମ ସମ୍ପର୍କକୁ ନେଇ ଶୋରେ ତିଷ୍ଠି ରହିପାରିବେ । ଏହି କଥାକୁ ଧ୍ୟାନରେ ରଖି ପ୍ରତିଯୋଗୀ ବିଗ ବସ ହାଉସରେ ଏଣ୍ଟ୍ରି କରୁଛନ୍ତି ଏବଂ କୌଣସି ବି ପ୍ରସଙ୍କ ଉପରେ ଲଢୁଛନ୍ତି । କିନ୍ତୁ ଅନେକ ଥର ପ୍ରତିଯୋଗୀ ଭୁଲି ଯାଉଛନ୍ତି ଯେ ଶୋରେ ଦୀର୍ଘ ସମୟର ଖେଳାଳି ହେବା ପାଇଁ ଗେମର ସବୁ ଜିନିଷକୁ ମହତ୍ବ ଦେବା ପଡିଥାଏ । ସିଜନ 13 ପ୍ରତିଯୋଗୀ ମଧ୍ୟ ଏହି କଥାକୁ ଭୁଲିବାରେ ଲାଗିଛନ୍ତି ।
- " class="align-text-top noRightClick twitterSection" data="
">
ଥରେ ନୁହେଁ ଅନେକ ଥର ସିଜନ 13 ପ୍ରତିଯୋଗୀଙ୍କୁ ସବୁ ଜିନିଷରେ ଝଗଡା କରୁଥିବାର ଦେଖିବାକୁ ମିଳୁଛି । ଶୋ ଆରମ୍ଭରୁ ହିଁ ପ୍ରତିଯୋଗୀଙ୍କ ମଧ୍ୟରେ ବିବାଦ ଦେଖାଦେଇଥିଲା । ଏହାପର ଠୁ ଏଯାବତ ଶୋରେ ସବୁଠାରୁ ଦମଦାର ପ୍ରତିଯୋଗୀ ସିଦ୍ଧାର୍ଥ ଶୁକ୍ଲା ଓ ରଶ୍ମି ଦେସାଇଙ୍କ ଝଗଡା ଦେଖିଆସୁଛନ୍ତି ଦର୍ଶକ । ନିକଟରେ ଶୋରେ ହୋଇଥିବା ପ୍ରତିଯୋଗୀଙ୍କ ଲଢେଇ ଦର୍ଶକଙ୍କୁ ଏଣ୍ଟରଟେନିଂରୁ ଅଧିକା ଇରିଟେଟିଂ ଲାଗିଥିଲା ।
କାରଣ ବିଗ ବସ ଇତିହାସରେ ପ୍ରଥମଥର ଏମିତି ଦେଖିବାକୁ ମିଳିଛି ଯେ ପ୍ରତିଯୋଗୀ ଶୋର ହୋଷ୍ଟ ତଥା ସୁପରଷ୍ଟାର ସଲମାନ ଖାନଙ୍କ ସାମ୍ନାରେ ଗାଳିଗୁଲଜରେ କଥାବାର୍ତ୍ତା କରୁଥିବାର । ଜଣେ କିମ୍ବା ଦୁଇଜଣ ନୁହେଁ ବରଂ ଶୋର ସବୁ ପ୍ରତିଯୋଗୀ ଗାଳି କରୁଥିବାର ନଜର ଆସୁଛନ୍ତି । ଯାହା ଦର୍ଶକକୁ ମଧ୍ୟ ବିରକ୍ତ କରିଦେଇଛି ।
