ମୁମ୍ବାଇ: ହାତକୁ ଦି ହାତ ହେଲେ ପବିତ୍ର ରିସ୍ତା ଅଭିନେତ୍ରୀ ଅଙ୍କିତା ଲୋଖଣ୍ଡେ । ଦୀର୍ଘଦିନର ବୟଫ୍ରେଣ୍ଡ ଭିକ୍କି ଜୈନ୍ଙ୍କ ହାତ ଧରିଲେ ଅଙ୍କିତା (Ankita Lokhande married Vicky Jain) । ଅଭିନେତ୍ରୀ ଅଙ୍କିତା ଓ ଭିକି ଜୈନ୍ ମଙ୍ଗଳବାର ବିବାହ ବନ୍ଧନରେ ବାନ୍ଧି ହୋଇଛନ୍ତି । ହିନ୍ଦୁ ରୀତିନୀତି ଅନୁଯାୟୀ ଉଭୟ ବିବାହ କରିଛନ୍ତି ।
ମୁମ୍ବାଇର ଏକ ହୋଟେଲରେ ଅନୁଷ୍ଠିତ ତିନିଦିନିଆ ଉତ୍ସବରେ ବୈଦିକ ରୀତି ଅନୁସାରେ ବିବାହ ସମ୍ପର୍ଣ୍ଣ ହୋଇଛି । ଉଭୟ ପରସ୍ପରକୁ ବରଣମାଳା ପିନ୍ଧାଇଛନ୍ତି । ବିବାହ ବେଳର କିଛି ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ରୟାଲ ଦୁଲହନ ଲୁକ୍ରେ ନଜର ଆସିଛନ୍ତି ଅଙ୍କିତା। ଗୋଲ୍ଡେନ୍ ରଙ୍ଗର ଲେହାଙ୍ଗା ପିନ୍ଧି ସାଜିଛନ୍ତି ନବବଧୂ । ସେପଟେ ଭିକି ମ୍ୟାଚ୍ କରି ସେରୱାନୀ ପିନ୍ଧିଥିବା ଦେଖିବାକୁ ମିଳିଛି ।
ପୂର୍ବରୁ ଅଙ୍କିତାଙ୍କ ପ୍ରି-ୱେଡିଂ ଓ ସେରିମୋନିର ଭିଡିଓ ମଧ୍ୟ ସାମ୍ନାକୁ ଆସିଥିଲା । ହଳଦୀ ଠାରୁ ଆରମ୍ଭ କରି ମେହେନ୍ଦୀ ଓ ସଙ୍ଗୀତ ସେରିମୋନି ସବୁ କିଛି ଥିଲା ବେଶ୍ ଗ୍ରାଣ୍ଡ ହୋଇଥିଲା । ଉତ୍ସବରେ ବେଶ୍ ଖୁସି ନଜର ଆସିଥିଲେ ଅଙ୍କିତା। ବିବାହରେ ବଲିଉଡ ଷ୍ଟାରଙ୍କ ଠାରୁ ଆରମ୍ଭ କରି ଟେଲିଭିଜନ ଷ୍ଟାରମାନେ ଯୋଗ ଦେଇଛନ୍ତି ।
୨୦୧୮ରୁ ଭିକି ଓ ଅଙ୍କିତା ପରସ୍ପରକୁ ଡେଟ୍ କରୁଥିଲେ । ଭିକି ପେଶାରେ ଜଣେ ବିଜ୍ନେସ ମ୍ୟାନ୍। ଭିକିଙ୍କ ପୂର୍ବରୁ ଦୀର୍ଘ ୮ ବର୍ଷ ଧରି ଦିବଙ୍ଗତ ଅଭିନେତା ସୁଶାନ୍ତ ସିଂହ ରାଜପୁତଙ୍କ ସହ ସମ୍ପର୍କରେ ଥିଲେ ଅଙ୍କିତା। ପବିତ୍ର ରିସ୍ତାରେ ଏଦୁହିଁଙ୍କୁ ଏକାଠି ଦେଖିବାକୁ ମିଳିଥିଲା। ସେହି ସେଟରୁ ହିଁ ଦୁହିଁଙ୍କ ପ୍ରେମ ସମ୍ପର୍କ ଆରମ୍ଭ ହୋଇଥିଲା । ପରେ ଉଭୟଙ୍କ ବ୍ରେକଅପ ହୋଇଥିଲା ।
