ମୁମ୍ବାଇ: ଟିଭିର ପପୁଲାର ଶୋ ‘କସୌଟି ଜିନ୍ଦେଙ୍ଗୀ 2’ର ନୂଆ ଏପିସୋଡକୁ ଦର୍ଶକ ଖୁବ୍ ଏନଜୟ କରୁଛନ୍ତି। ହେଲେ ଶୋକୁ ନେଇ ନୈରାଶ୍ୟଜନକ ଖବର ସାମ୍ନାକୁ ଆସିଛି । ଯାହାକୁ ନେଇ ନିରାଶ ହୋଇଯିବେ ଦର୍ଶକ । କାରଣ ଶୁଣିବାକୁ ମିଳୁଛି ଶୋର ମୁଖ୍ୟ ଭୂମିକାରେ ନଜର ଆସୁଥିବା ଫେମସ ଅଭିନେତା ପାର୍ଥ ସମଥାନ ଶୋ ଛାଡି ଦେଇଛନ୍ତି । ସେ ନିଜ ଅନ୍ୟ ପ୍ରୋଜେକ୍ଟକୁ ନେଇ ବ୍ୟସ୍ତ ଥିବାରୁ ଏହି ଶୋ ଛାଡିବାକୁ ନିଷ୍ପତ୍ତି ନେଇଥିଲେ । ସେ ଶୋରେ ଅନୁରାଗ ବାସୁ ଭୂମିକାରେ ନଜର ଆସୁଥିଲେ ।
ଏହି ଖବର ତାଙ୍କ ଫ୍ୟାନ୍ସଙ୍କୁ ନିହାତି ଦୁଃଖି କରିଦେବ । ସେପଟେ ଶୋର ନିର୍ମାତା ଏକତା କପୁର ପୁଣିଥରେ ଶୋରେ ପାର୍ଥଙ୍କୁ ସାମିଲ କରିବାକୁ କଥାବାର୍ତ୍ତା ଚଳାଇଛନ୍ତି । ହେଲେ ପାର୍ଥ ଅନ୍ୟ ପ୍ରୋଜେକ୍ଟ ପାଇଁ ଶୋକୁ ଫେରିବାକୁ ଚାହୁଁନାହାଁନ୍ତି । ଯାହାକୁ ନେଇ ପ୍ରଡକ୍ସନ ପାର୍ଥଙ୍କ ରିପ୍ଲେସମେଣ୍ଟ ଉପରେ ଯୋଜନା ଆରମ୍ଭ କରିଦେଇଛନ୍ତି ।
ପ୍ରକାଶ ଥାଉକି ନିକଟରେ ପାର୍ଥଙ୍କ କୋରୋନା ଟେଷ୍ଟ ନେଗେଟିଭ ବାହାରିଥିଲା । ତାପୂର୍ବରୁ ସେ ସଂକ୍ରମିତ ହୋଇଥିବାରୁ କ୍ବାରେଣ୍ଟାଇନରେ ଥିଲେ ।
