ମୁମ୍ବାଇ: ପପୁଲାର ଟିଭି ଷ୍ଟାର ବରୁଣ ସୋବତି କିଛି ଦିନ ହେବ ଛୋଟ ପରଦାରୁ ଦୂରେଇ ଅଛନ୍ତି । କିନ୍ତୁ ଏବେ ମଧ୍ୟ ତାଙ୍କ ଫ୍ୟାନ୍ସଙ୍କ ସଂଖ୍ୟା ଆକାଶ ଛୁଆଁ । ଇତିମଧ୍ୟରେ ତାଙ୍କ ଫ୍ୟାନ୍ସଙ୍କ ପାଇଁ ଏକ ଖୁସି ଖବର ସାମ୍ନାକୁ ଆସିଛି । ଆଜ୍ଞା ହଁ, ତାଙ୍କ ଘରକୁ କୁନି ଅତୀତଙ୍କ ଆଗମନ ହୋଇଛି । ବରୁଣ ବର୍ତ୍ତମାନ ବେବି ଗାର୍ଲଙ୍କ ପିତା ସାଜିଛନ୍ତି । ଏହି ଅବସରରେ ସେ ଖୁବ୍ ଖୁସି ଅଛନ୍ତି । କାରଣ ବିବାହର ଆଠ ବର୍ଷ ପରେ ସେ ପିତା ହୋଇଛନ୍ତି । ଯାହାକୁ ନେଇ ଉତ୍ସାହିତ ବରୁଣଙ୍କ ସହ-ପରିବାର ।
କିଛି ଦିନ ପୂର୍ବରୁ ତାଙ୍କ ପତ୍ନୀ ପଶମୀନଙ୍କ ବେବି ସାୱରଙ୍କ ଫଟୋ ସୋସିଆଲ ମିଡିଆରେ ଖୁବ୍ ଦେଖିବାକୁ ମିଳିଥିଲା । ଏହି ପାର୍ଟିରେ ବରୁଣ ଓ ପଶମୀନଙ୍କ ନିକଟତର ବନ୍ଧୁବାନ୍ଧବ ସାମିଲ ହୋଇଥିଲେ ।
- " class="align-text-top noRightClick twitterSection" data="
">
ଯଦି ବରୁଣଙ୍କ ଅଭିନୟ କ୍ୟାରିୟର ବିଷୟରେ କଥା ହେବା, ତେବେ ସେ ଷ୍ଟାର ପ୍ଲସର ଶୋ 'ଶ୍ରଦ୍ଧା'ରୁ ନିଜ ଅଭିନୟ କ୍ୟାରିୟର ଆରମ୍ଭ କରିଥିଲେ । ଏହାପରେ ସେ 'ଦିଲ ମିଲ ଗଏ', 'ବାତ ହମାରୀ ପକ୍କି ହେ', 'ଇସ ପ୍ୟାର କୋ କ୍ୟା ନାମ ଦୁଂ' ଭଳି ଟିଭି ଧାରାବାହିକରେ କାମ କରି ପପୁଲାର ହୋଇଥିଲେ । ଫିଲ୍ମରେ ଡେବ୍ୟୁ କରିବା ପାଇଁ ସେ ଟିଭି ଜଗତରୁ ବ୍ରେକ ନେଇଥିଲେ । ଆଉ ପରେ ସେ 2014ରେ ଆସିଥିବା ଫିଲ୍ମ 'ମେଁ ଔର ମିଷ୍ଟର ରାଇଟ'ର ଜରିଆରେ ବଡ ପରଦାରେ ଏଣ୍ଟ୍ରି କରିଥିଲେ । ଖାଲି ଏତିକି ନୁହେଁ ସେ ଡିଜିଟାଲ ଦୁନିଆରେ ମଧ୍ୟ ଡେବ୍ୟୁ କରି ସାରିଛନ୍ତି ।
