ମୁମ୍ବାଇ: ଅକ୍ଷୟ କୁମାରଙ୍କ ଆଗାମୀ ଚର୍ଚ୍ଚିତ ଫିଲ୍ମ 'ବଚ୍ଚନ ପାଣ୍ଡେ'କୁ ନେଇ ନୂଆ ଚର୍ଚ୍ଚା । କାରଣ ଫିଲ୍ମରେ ଆଉ ଜଣେ ଅଭିନେତାଙ୍କ ସାମିଲ ହେବା ଖବର ଶୁଣିବାକୁ ମିଳୁଛି । ଯିଏ ପରଦାରେ ଭିଲେନ ସାଜି ଅକ୍ଷୟଙ୍କ ସହ ଲଢିବେ । ଆଜ୍ଞା ହଁ, ଫିଲ୍ମରେ ଏଣ୍ଟ୍ରି କରିଛନ୍ତି ଅଭିନେତା ଅଭିମନ୍ୟୁ ସିଂ । ଯିଏ ଅକ୍ଷୟଙ୍କ ବିପରୀତ ରୋଲ ଭିଲେନରେ ନଜର ଆସିବେ।
ଏହାର ସୂଚନା ଫିଲ୍ମ କ୍ରିଟିକ ତରଣ ଆଦର୍ଶ ଟ୍ବିଟରରେ ସମସ୍ତଙ୍କୁ ଦେଇଛନ୍ତି । ସେ ଏକ ପୋଷ୍ଟରେ ଜଣାଇଛନ୍ତି ଯେ ଅଭିମନ୍ୟୁ ସିଂ, ଅକ୍ଷୟଙ୍କ ଅପୋଜିଟ୍ ‘ବଚ୍ଚନ ପାଣ୍ଡେ’ରେ ନଜର ଆସିବେ ।
ସେହିପରି ‘ବଚ୍ଚନ ପାଣ୍ଡେ’ ଆସନ୍ତା ବର୍ଷ ଜାନୁଆରୀ 26 ରେ ରିଲିଜ କରିବାକୁ ଯୋଜନା କରିଛନ୍ତି ମେକର୍ସ। ଅକ୍ଷୟଙ୍କ ବ୍ୟତୀତ ଫିଲ୍ମରେ କିୟାରା ଆଡଭାନୀ ଓ ଅର୍ଶଦ ୱାରସୀ ମଧ୍ୟ ମୁଖ୍ୟ ଭୂମିକାରେ ଦେଖାଯିବେ ।
