ଭୁବନେଶ୍ବର: ଓଡିଶା ଆସିଛନ୍ତି କମେଡି କିଙ୍ଗ କପିଲ ଶର୍ମା । ଆଉ ତାହା ପୁଣି ଏକାମ୍ର କ୍ଷେତ୍ର ରାଜଧାନୀ ଭୁବନେଶ୍ବରକୁ ଆସିଛନ୍ତି । କାରଣ ତାଙ୍କର ଆଗକୁ ଆସୁଥିବା ଚଳଚ୍ଚିତ୍ର ପାଇଁ ସେ ସେ ମନ୍ଦିରମାଳିନୀ ଭୁବନେଶ୍ବରରେ ସୁଟିଂ କରୁଛନ୍ତି । ଭୁବନେଶ୍ୱରର ଗଳି କନ୍ଦିରେ ବୁଲି ବୁଲି ସୁଟିଂ କରୁଛନ୍ତି ବଲିଉଡ ଅଭିନେତା କପିଲ ଶର୍ମା।
ଭାରତର ଜଣେ ଆଗଧାଡିର ବଲିଉଡ଼ ଅଭିନେତା ହେଉଛନ୍ତି କପିଲ। ଆଉ ତାଙ୍କୁ ନେଇ ନିର୍ଦ୍ଦେଶିକା ନନ୍ଦିତା ଦାସଙ୍କ ଆଗାମୀ ଚଳଚ୍ଚିତ୍ର ପାଇଁ ଭୁବନେଶ୍ୱରର ବିଭିନ୍ନ ସ୍ଥାନରେ ସୁଟିଂ ଚାଲିଛି । ତେବେ କଣ ଫିଲ୍ମର ରହିଛି କାହାଣୀ ତାହା ସ୍ପଷ୍ଟ ହୋଇନଥିବାବେଳେ ଓଡ଼ିଶାର ପାଣିପବନକୁ ନେଇ ତିଆରି ହେଉଛି ଚଳଚ୍ଚିତ୍ର ।
ଆଉ ଏହି ଚଳଚ୍ଚିତ୍ର କମେଡି କିଙ୍ଗ କପିଲଙ୍କୁ ନେଇ ପ୍ରସ୍ତୁତ ହେଉଥିବାବେଳେ ଖାଲି ଓଡିଶା ନୁହେଁ ଭାରତର କୋଣାନୁକୋଣରୁ ଥିବା ଓଡ଼ିଆଙ୍କୁ ବେଶ ଭଲ ଲାଗିବ ବୋଲି ସାଧାରଣରେ ଚର୍ଚ୍ଚା ହେଉଛି । ତେବେ ସିନେମାକୁ ଓଟିଟି ପ୍ଲାଟଫର୍ମରେ ରିଲିଜ୍ କରିବାକୁ ଯୋଜନା ରହିଛି ।
ଫିଲ୍ମରେ ଜଣେ ଡେଲିଭରି ବୟ୍ ଭାବେ ନଜର ଆସିବେ କପିଲ୍। ଭୁବନେଶ୍ୱରର ବିଭିନ୍ନ ରେସ୍ତୋରାଁ, ପୁରୁଣା ଅଞ୍ଚଳରେ ଫିଲ୍ମର କିଛି ଗୁରୁତ୍ୱପୂର୍ଣ୍ଣ ସିନ୍କୁ ପରଦାକୁ ଆଣିବାକୁ ଚେଷ୍ଟା କରିଛନ୍ତି ନନ୍ଦିତା। କୁହାଯାଉଛି, ଫିଲ୍ମଟି ଓଡ଼ିଆଙ୍କ ଜୀବନଶୈଳୀ ଉପରେ ଆଧାରିତ। ତେଣୁ କପିଲ ଓ ପୁରା ଟିମ୍ ଭୁବନେଶ୍ୱରରେ ପହଞ୍ଚିଛନ୍ତି। କପିଲଙ୍କ ସହ ହିରୋଇନ୍ ଭୂମିକାରେ ନଜର ଆସିବେ ସାୟନୀ ଗୁପ୍ତା। ଏବେ ଯାଏଁ ଆନୁଷ୍ଠାନିକ ଭାବେ ଫିଲ୍ମର ନାଁ ଦିଆଯାଇନି।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
