ବେଙ୍ଗାଲୁରୁ: ଭେଟେରାନ୍ କନ୍ନଡ ଅଭିନେତା ଏଚ୍.ଜି ସୋମଶେଖର ରାଓ ଅର୍ଥାତ ସୋମନାଙ୍କ 86 ବର୍ଷ ବୟସରେ ହୃଦଘାତରେ ଦେହାନ୍ତ ହୋଇଛି ।
ସୂଚନାନୁସାରେ, ସୋମନା ଘରେ ଥିବାବେଳେ ତାଙ୍କର ଛାତି ଯନ୍ତ୍ରଣା ହୋଇଥିଲା ଏବଂ ସେ ତଳେ ପଡ଼ିଯାଇଥିଲେ । ଯାହାପରେ ତାଙ୍କୁ ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା, ଯେଉଁଠାରେ ସେ ଶେଷ ନିଶ୍ବାସ ତ୍ୟାଗ କରିଛନ୍ତି ।
ସୋମଶେଖର ରାଓ ସ୍ବାଧୀନତା ସଂଗ୍ରାମୀ ହରିହର ଗୁଣ୍ଡୁ ରାଓଙ୍କ ପୁତ୍ର ଥିଲେ । ତାଙ୍କ ସାନଭାଇ ଦତ୍ତନା ମଧ୍ୟ ଜଣେ ଜଣାଶୁଣା ଅଭିନେତା ଥିଲେ । ଏକ ସପ୍ତାହ ପୂର୍ବରୁ ଦତ୍ତନାଙ୍କର ମୃତ୍ୟୁ ହୋଇଥିଲା । ତାଙ୍କ ସାନ ଭଉଣୀ ମଧ୍ୟ ଏକ ମାସ ପୂର୍ବରୁ ମୃତ୍ୟୁ ବରଣ କରିଥିଲେ ।
ସୋମଶେଖର ମହୀଶୂର ବିଶ୍ବବିଦ୍ୟାଳୟରୁ ଅଧ୍ୟୟନ କରିଥିଲେ, ଯେଉଁଠାରେ ସେ ସୋସିଓଲୋଜିରେ ସ୍ବର୍ଣ୍ଣ ପଦକ ଜିତିଥିଲେ ।
11 ବର୍ଷ ବୟସରେ ସୋମଶେଖର ଥିଏଟରରୁ ନିଜର କ୍ୟାରିଅର୍ ଆରମ୍ଭ କରିଥିଲେ । ସେ ପ୍ରାୟ 60 ଟି ଚଳଚ୍ଚିତ୍ର ଏବଂ 300 ରୁ ଅଧିକ ନାଟକରେ ଅଭିନୟ କରିଥିଲେ ।
ସୋମଶେଖର 1981 ମସିହାରେ କନ୍ନଡ ଚଳଚ୍ଚିତ୍ର ସାବିତ୍ରୀରେ ଡେବ୍ୟୁ କରିଥିଲେ । ମିଥିଲିଆ ସୋମଶେଖର ସୀଥୋୟାରୁ ଚଳଚ୍ଚିତ୍ରରେ ତାଙ୍କର ଅଭିନୟକୁ ବହୁତ ପ୍ରଶଂସା କରାଯାଇଥିଲା ।
ସେ କେବଳ ଜଣେ ଅଭିନେତା ନୁହଁନ୍ତି, ଜଣେ ବ୍ୟାଙ୍କର ମଧ୍ୟ ଥିଲେ ।
ସୋମଶେଖରଙ୍କ ମୃତ୍ୟୁକୁ ନେଇ କନ୍ନଡ ଇଣ୍ତଷ୍ଟ୍ରି ଦୁଃଖ ପ୍ରକାଶ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
