କଟକ: ଆଜି ରିଲିଜ ହୋଇଯାଇଛି ଚର୍ଚ୍ଚିତ ରୋମାଣ୍ଟି ଚଳଚ୍ଚିତ୍ର "କଟି ପତଙ୍ଗ" । ପ୍ରେମର ପ୍ରକୃତ ଅର୍ଥ କଣ ତାହା ଏହି ଚଳଚ୍ଚିତ୍ର ମାଧ୍ୟମରେ ବୁଝାଇଛନ୍ତି ପ୍ରଯୋଜକ ଦେବେନ୍ଦ୍ର ନାଥ ସାହୁ । ଏହାସହିତ ଚକଲେଟ ହିରୋ ଅଭିଷେକ ଓ ଚୁଲବୁଲି ନାୟିକା ଅନନ୍ୟାଙ୍କ ଦମଦାର ଲଭ କେମେଷ୍ଟ୍ରିକୁ ଦେଖିବା ପାଇଁ ସିନେମା ହଲରେ ଲାଗିଛି ଭିଡ଼ ।
ଏହି ଚଳଚ୍ଚିତ୍ରଟି ମୁଖ୍ୟତଃ ଏକ ପ୍ରେମ କାହାଣୀ ଉପରେ ଆଧାରିତ । କିପରି ବନ୍ଧୁତାରୁ ପ୍ରେମ ହୁଏ ଏବଂ ତାପରେ
ନୂଆ ପ୍ରେମ ଦୁନିଆରେ ପାଦ ଥାପନ୍ତି ତାହା ଫିଲ୍ମରେ ପର୍ଯ୍ୟବେଶିତ ।
ଚଳଚ୍ଚିତ୍ରର ନାୟକ ଓ ନାୟିକା ଦର୍ଶକଙ୍କ ମନକୁ ବେଶ ଛୁଇଁବ ବୋଲି କହିଛନ୍ତି ପ୍ରଯୋଜକ ଦେବେନ୍ଦ୍ର ନାଥ ସାହୁ । ଏହାସହିତ ଏହି ଚଳଚ୍ଚିତ୍ରରେ କମେଡି, ଫାଇଟ, ରୋମାନ୍ସ ମଧ୍ୟ ରହିଛି । ଯାହାଦ୍ବାରା ଦର୍ଶକ ମାନେ ଭରପୁର ଆନନ୍ଦ ଉଠାଇପାରିବେ । ଏହି ଚଳଚ୍ଚିତ୍ରରେ ଏକ ସରଳ ଓ ଗାଉଁଲି ଝିଅ ଭୂମିକାରେ ନଜର ଆସିଛନ୍ତି ନାୟିକା ଅନନ୍ୟା । 'ଗଡ଼ଫାଦର' ପରେ ଏହା ଅନନ୍ୟାଙ୍କ ଦ୍ଵିତୀୟ ଫିଲ୍ମ ।
କଟକରୁ ପ୍ରଭୁକଲ୍ୟାଣ ପାଲ୍, ଇଟିଭି ଭାରତ
