ହାଇଦ୍ରାବାଦ: ତେଲୁଗୁ ଷ୍ଟାର ପୱନ କଲ୍ୟାଣଙ୍କ ଆଗାମୀ ଫିଲ୍ମ 'ଭୀମଲା ନାୟକ'ର ଟାଇଟେଲ ଟ୍ରାକ ଆଜି(ଗୁରୁବାର) ରିଲିଜ ହୋଇଛି । ପୱନଙ୍କ ବର୍ଥ ଡେ'ରେ ଏହି ଗୀତକୁ ରିଲିଜ କରାଯାଇଛି । ଏହି ଟ୍ରାକରେ ଗାୟକ ପୱନଙ୍କ ଚରିତ୍ରକୁ ହାଇ ଷ୍ଟାଇଲରେ ଦର୍ଶକଙ୍କ ସହିତ ପରିଚିତ କରାଇଛନ୍ତି ।
ଫିଲ୍ମରେ ପୱନଙ୍କ ଚରିତ୍ର ସହିତ ତାଙ୍କ ପରିବାର ସମ୍ପର୍କରେ ମଧ୍ୟ ଗାୟକ ମଧ୍ୟ ଗୀତ ଦ୍ବାରା ପରିଚିତ କରାଉଛନ୍ତି । ପ୍ରଥମରୁ ପୱନଙ୍କ ଚରିତ୍ରର ଜେଜେ ବାପାଙ୍କୁ ପରିଚିତ କରାଯାଉଛି । ଏକ ଜଙ୍ଗଲରେ ଏହି ଗୀତର ସୁଟିଂ ହୋଇଛି । ଥାମନ ଓ ତାଙ୍କର ମ୍ୟୁଜିକ ବ୍ୟାଣ୍ଡ ଏହି ଗୀତକୁ ଗାଇବା ସହିତ କମ୍ପୋଜ କରୁଥିବା ଦେଖିବାକୁ ମିଳିଛି ।
ଏହି ଗୀତର ଲିରିକ୍ସକୁ ରାମଯୋଗ୍ୟା ଶାସ୍ତ୍ରୀ ଲେଖିଛନ୍ତି । ରାମ ମିରିୟାଲା, ଶ୍ରୀ କ୍ରୀଷ୍ଣା ଓ ପ୍ରିଥ୍ବି ଚନ୍ଦ୍ର ହାଇ ପିଚ୍ରେ ଏହି ଗୀତକୁ ଗାଉଥିବା ଦେଖିବାକୁ ମିଳିଛି । ଏହି ଫିଲ୍ମରେ ଅଭିନେତା ରାଣା ଦଗ୍ଗୁବାତୀଙ୍କୁ ମଧ୍ୟ ଦେଖିବାକୁ ମିଳିଛି । ତେବେ ଫିଲ୍ମଟି ଆସନ୍ତା ୨୦୨୨ ମସିହା ଜାନୁଆରୀ ୧୨ ତାରିଖରେ ରିଲିଜ ହେବ ବୋଲି ସୂଚନା ମିଳିଛି ।
@IANS
