ମୁମ୍ବାଇ: ନିକଟରରେ ରିଲିଜ ହୋଇଥିବା ତେଲୁଗୁ ସୁପରଷ୍ଟାର ମହେଶ ବାବୁଙ୍କ ବହୁ ଚର୍ଚ୍ଚିତ ଫିଲ୍ମ 'ମହର୍ଷି' ପୁରା ଦୁନିଆରେ ନିଜ ଯାଦୁ ଦେଖାଇସାରିଛି । ଏହି ଫିଲ୍ମଟି ମହେଶଙ୍କ କ୍ୟାରିୟର 25ତମ ଫିଲ୍ମ ଥିଲା । ଏବେ ସେ ନିଜର 26ତମ ଫିଲ୍ମକୁ ନେଇ ଚର୍ଚ୍ଚାରେ ଆସିଛନ୍ତି । ଯାହାର ଘୋଷଣା ସେ ଗତ କାଲି ଅର୍ଥାତ୍ ପିତାଙ୍କ ଜନ୍ମଦିନ ଅବସରରେ କରିଥିଲେ । ଏହି ଫିଲ୍ମର ଟାଇଟଲ ରଖାଯାଇଛି 'ସରିଲରୁ ନିକେଭାରୁ' ।
ସେ ଫିଲ୍ମର ଘୋଷଣା ଭିନ୍ନ ଅନ୍ଦାଜରେ କରିଛନ୍ତି । ଫିଲ୍ମ ପୋଷ୍ଟର ସେ ଠିକ ରାତି 12ଟାରେ ଜାରି କରିଥିଲେ । ପରେ ସେ ଫିଲ୍ମର ଘୋଷଣା କରି ଫ୍ୟାନ୍ସଙ୍କୁ ବଡ ସରପ୍ରାଇଜ ଦେଇଛନ୍ତି।
ଏହି ଅବସରରେ ସେ ନିଜ ସୋସିଆଲ ମିଡିଆରେ ଏକ ପୋଷ୍ଟ କରି ଫିଲ୍ମ ରିଲିଜ ତାରିଖ ମଧ୍ୟ ଘୋଷଣା କରିଛନ୍ତି । ସେ କ୍ୟାପସନରେ ଲେଖିଛନ୍ତି, "ସଂକ୍ରାନ୍ତି 2020, ଅଲ୍ ଗିଅରଡ ଅପ# ସରିଲରୁ ନିକେଭାରୁ"
ସେମିତି ଦେଖିବାକୁ ଗଲେ ମହେଶ ନିଜ ବ୍ଲକବଷ୍ଟର ଫିଲ୍ମ ପାଇଁ ଜଣାଶୁଣା । ତାଙ୍କ ଫିଲ୍ମ ଦେଖିବାକୁ ଫ୍ୟାନ୍ସ ସବୁବେଳେ ଉତ୍ସାହ ଥାଆନ୍ତି । ଆଉ ତାଙ୍କ ଫିଲ୍ମ ରିଲିଜ ହେବା ମାତ୍ରେ ସୁପରଡୁପର ହିଟ୍ ସାବ୍ୟସ୍ତ ହୋଇଥାଏ । ଏବେ ଏହା ଦେଖିବା ବାକି ରହିଲା କି ତାଙ୍କ 26ତମ ଫିଲ୍ମ ଆସନ୍ତା ବର୍ଷ ବ୍ଲକବଷ୍ଟର ସାବ୍ୟସ୍ତ ହେବ କି ନାହିଁ ।
