ନୂଆଦିଲ୍ଲୀ: ବି-ଟାଉନରେ ଶ୍ରଦ୍ଧାଙ୍କ ବାହାଘର ଖବର ବେଶ୍ ଚର୍ଚ୍ଚାର ବିଷୟ ପାଲଟିଛି । ଫଟୋଗ୍ରାଫର ରୋହନ ଶ୍ରେଷ୍ଠାଙ୍କୁ ଖୁବ୍ ଶୀଘ୍ର ବାହା ହେଉଥିବା ଶୁଣିବାକୁ ମିଳିଛି । ତେବେ ଏନେଇ ଶ୍ରଦ୍ଧାଙ୍କ ବାପା ଶକ୍ତି କପୁର ମୁହଁ ଖୋଲିଛନ୍ତି । ଏପରି ଖବରକୁ ବକବାସ୍ ବୋଲି କହିଛନ୍ତି ଶକ୍ତି କପୁର ।
ଝିଅ ବାହାଘରକୁ ନେଇ ଶକ୍ତି କପୁର କହିଛନ୍ତି ଯେ, ଏହି ଖବର ସବୁ ଉଡ଼ା ଖବର । ଏଥିରେ କୌଣସି ସତ୍ୟତା ନୀହିଁ । ଆସନ୍ତା 4-5ବର୍ଷ ଯାଏଁ ଶ୍ରଦ୍ଧାଙ୍କ କୌଣସି ବାହାଘରର ପ୍ଲାନିଂନାହିଁ । ବର୍ତ୍ତମାନ ସେ ନିଜ କ୍ୟାରିଅରରେ ଫୋକସ୍ କରୁଛନ୍ତି । ଆଗମୀ 2ବର୍ଷ ଯାଏଁ ସେ ବ୍ୟସ୍ତ ଅଛନ୍ତି ।
ଏଥିସହ ଆଉ ମଧ୍ୟ ସେ କହିଛନ୍ତି ଯେ, ମୋ ଝିଅ ମତେ ସବୁ କଥା କହେ । ସେ ମା ବାପାଙ୍କ ଅନୁମତି ବିନା କେବେବି ବାହା ହେବେ ନାହିଁ ।
ଶ୍ରଦ୍ଧା କପୁର ପୂର୍ବରୁ ଫରହାନ ଅଖତରଙ୍କୁ ଡେଟ୍ କରୁଥିଲେ । କିନ୍ତୁ ଶ୍ରଦ୍ଧାଙ୍କ ପରିବାର ସେହି ସମ୍ପର୍କକୁ ନେଇ ଅସନ୍ତୋଷ ପ୍ରକାଶ କରିଥିଲେ । ତେଣୁ ଫରହାନଙ୍କ ସହ ସମ୍ପର୍କକୁ ଭାଙ୍ଗି ଦେଇଥିବା ଖବର ଶୁଣିବାକୁ ମିଳିଥିଲା ।
ଏବେ ଶ୍ରଦ୍ଧା ପ୍ରଭାସଙ୍କ ସହ 'ସାହୋ'ର ସୁଟିଂରେ ବ୍ୟସ୍ତ ଅଛନ୍ତି । ଏଥିସହ ନିର୍ଦ୍ଦେଶକ ରେମୋ ଡିସୁଜାଙ୍କ ଫିଲ୍ମ'ଷ୍ଟ୍ରୀଟ୍ ଡାନ୍ସର 3ଡି' ପାଇଁ ମଧ୍ୟ କଠିନ ପରିଶ୍ରମ କରୁଛନ୍ତି । ଏହି ଫିଲ୍ମରେ ଶ୍ରଦ୍ଧାଙ୍କ ନାୟକ ଭାବେ ବରୁଣ ଧଓ୍ବନଙ୍କୁ ଦେଖିବାକୁ ମିଳିବ ।
