ଭୁବନେଶ୍ବର: ଓଡିଶାରେ ପହଁଞ୍ଚିଲେ ନବଦମ୍ପତି ସବ୍ୟାର୍ଚ୍ଚିତା। ଗତ ୧ ତାରିଖରେ ରାଜସ୍ଥାନରେ ରାଜକୀୟ ଢଙ୍ଗରେ ହୋଇଥିଲା ବିବାହ । ରିଲ୍ ଲାଇଫରୁ ରିୟଲ ଲାଇଫରେ ପତିପତ୍ନୀ ହେଲେ ସବ୍ୟାର୍ଚ୍ଚିତା ।
ବିବାହ ପରେ ଆଜି(ଶୁକ୍ରବାର) ଓଡିଶାରେ ପହଁଞ୍ଚିଛନ୍ତି। ଭୁବନେଶ୍ବର ବିମାନ ବନ୍ଦରରେ ପହଁଞ୍ଚିବା ପରେ ଫ୍ୟାନ୍ସମାନଙ୍କ ଶୁଭେଚ୍ଛାର ସୁଅ ଛୁଟିଥିଲା । ଭୁବନେଶ୍ବରରେ ପହଁଞ୍ଚିବା ପରେ ଉଭୟ ବିବାହ ପରର ପ୍ରଥମ ପ୍ରତିକ୍ରିୟା ରଖିଛନ୍ତି ।
ପ୍ରକୃତରେ ଗତବର୍ଷ ମାର୍ଚ୍ଚ ମାସରେ ବିବାହ ପାଇଁ ସ୍ଥିର ହୋଇଥିଲା । କୋଭିଡ କଟକଣା ପାଇଁ ବନ୍ଦଥିବା ସହ ଏବେ ଶୁଭେଚ୍ଛୁଙ୍କ ଗହଳି ତଥା ସୁରକ୍ଷା ପାଇଁ ଉଭୟ ପରିବାର ସମ୍ମତିରେ ରାଜସ୍ଥାନରେ ବିବାହ କରିବାକୁ ସ୍ଥିର କରିଥିବା କହିଛନ୍ତି ସବ୍ୟସାଚୀ । ଏହାସହ ସବ୍ୟସାଚୀ ନିଜ ଜୀବନର ସଫଳତାର ଶ୍ରେୟ ଅର୍ଚ୍ଚିତାଙ୍କୁ ଦେଇଛନ୍ତି । ଦୁହେଁ ବିବାହକୁ ନେଇ ଖୁସିଥିବା ବେଳେ ରିଲ୍ ଲାଇଫ୍ ସହିତ ଆଗକୁ ସମାଜସେବା ଜାରି ରହିବ ବୋଲି ଉଭୟ କହିଛନ୍ତି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
