ମୁମ୍ବାଇ: ମାର୍ବଲ ସିନେମ୍ୟାଟିକ ୟୁନିଭର୍ସର ଫିଲ୍ମ ‘ଆଭେଞ୍ଜର୍ସ ଏଣ୍ଡଗେମ’ ଦେଖିବା ପରେ କିଛି ଦର୍ଶକ ଖୁସି ଥିବା ବେଳେ ଆଉ କିଛି ଦର୍ଶକ ଖୁବ୍ ନିରାଶ ହୋଇଥିଲେ । କାରଣ ‘ଏଣ୍ଡଗେମ’ ଫିଲ୍ମରେ ଅନେକ ମହତ୍ବପୂର୍ଣ୍ଣ ଭୂମିକାକୁ ମୃତ୍ୟୁ ଦେଖିବାକୁ ମିଳିଥିଲା । ଏହି କ୍ରମରେ ସବୁଠାରୁ ବେଷ୍ଟ କ୍ୟାରେକ୍ଟର ଆଇରନ ମ୍ୟାନ ତଥା ଟୋନି ଷ୍ଟାର୍କଙ୍କର ଥିଲା । ଯାହାକୁ ରବର୍ଟ ଡାଉନ ଜୁନିୟର ପ୍ଲେ କରୁଥିଲେ । କିନ୍ତୁ ଏବେ ତାଙ୍କ ଫ୍ୟାନ୍ସଙ୍କ ପାଇଁ ଗୁଡନ୍ୟୁଜ ସାମ୍ନାକୁ ଆସିଛି ।
କାରଣ ବଡ ପରଦାରେ ପୁଣିଥରେ ନଜର ଆସିପାରନ୍ତି ଟୋନି ଷ୍ଟର୍କ । ମାର୍ବଲ ସିନେମ୍ୟାଟିକ ୟୁନିଭର୍ସର ଆଗାମୀ ଫିଲ୍ମ ତଥା ସ୍କାରଲେଟ ଜୋହାନସନ ଷ୍ଟାରର ‘ବ୍ଲାକ ୱିଡୋ’ ଆସନ୍ତା ବର୍ଷ ମେ 1ରେ ରିଲିଜ ହେବାକୁ ଯାଉଛନ୍ତି ।
‘ବ୍ଲାକ ୱିଡୋ’ ଏକ ପ୍ରିକ୍ବଲ ଫିଲ୍ମ । ଏଥିରେ ସିଭିଲ ୱାର ଏବଂ ଆଭେଞ୍ଜର ଇନଫିନିଟି ୱାର ମଧ୍ୟର କାହାଣୀ ଦେଖିବାକୁ ମିଳିବ । ତେଣୁ ଖବର ଜୋର ଧରିଛି ଯେ ଏହି ଫିଲ୍ମରେ ଆଇରନ ମ୍ୟାନଙ୍କ ଅବତାରରରେ ଟୋନି ନଜର ଆସିପାରନ୍ତି । ସେହିପରି ଅନ୍ୟ ଆଭେଞ୍ଜର ଫିଲ୍ମରେ କେମିୟୋ ରୋଲରେ ନଜର ଆସିପାରନ୍ତି ।
